جن کو مریم نوازسےمقابلےکا شوق ہے وہ ان جیسی کارکردگی دکھائیں،عظمیٰ بخاری

لاہور:صوبائی وزیر اطلاعات و نشریات عظمی ٰ بخاری کا کہنا ہے کہ جن لوگوں کو مریم نوا زسے مقابلے کاشوق ہے وہ ان جیسی کارکردگی دکھائیں۔
وزیر اطلاعات عظمی بخاری نے لاہور میںمیڈیاسے گفتگو کرتے ہوئے کہا کہ مریم نواز اپنی کارکردگی سے لوگوں کے دلوں میں جگہ بنا رہی ہیں، جن کو مریم نواز کے ساتھ مقابلے کا شوق ہے وہ ان کے جیسی کارکردگی بھی دکھائیں۔
 انہوں نے کہا کہ مریم نواز پہلی وزیراعلی ہیں جنہوں نے 80 سے زیادہ پروجیکٹ ایک سال میں شروع کئے، مریم نوازکی حکومت 50 سے زیادہ اپنے منصوبے مکمل کر چکی ہے۔
عظمی بخاری کا کہنا تھا کہ باقی حکومتوں کے ترجمانوں کا کام صرف پنجاب کے منصوبوں میں کیڑے نکالنا ہے،مریم نواز اپنے طرز حکومت اور گڈ گورننس کی وجہ سے باقی صوبوں میں بھی مقبول ہو رہی ہیں۔مریم نواز کی بڑھتی ہوئی مقبولیت سے کچھ لوگ خوفزدہ ہیں۔
وزیر اطلاعات کا کہنا تھا کہ آپ مسلسل کئی سالوں سے اقتدار میں رہنے کے بعد بھی ڈلیور نہیں کریں گے تو لوگ کام کرنے والی وزیراعلی ٰکو ہی پسند کریں گے،انہوںنے مزید کہا کہ میاں نواز شریف کی لیڈرشپ میں وفاق اور پنجاب کی حکومتیں کارکردگی کی نئی مثالیں قائم کر رہی ہیں، 2025 پاکستان کی ترقی اور خوشحالی کا سال ہوگا۔