نوشہرہ : قبرستان میں نوزائیدہ بچی زندہ دفنانے کی کوشش ناکام

نوشہرہ :خیبر پختونخوا کے ضلع نوشہرہ کے قبرستان میں زندہ نومولود بچی دفنانے کی کوشش ناکام بنا دی گئی جس کی ویڈیو سوشل میڈیا پروائرل ہوگئی۔
تفصیلات کے مطابق کسی بدبخت ظالم باپ نے زمانہ جاہلیت کی یاد تازہ کرتے ہوئے اپنی بیٹی کی پیدائش کے فورا بعد زندہ دفن کیا ۔
 نومولود بچی کو زندہ دفنانے پر قبرستان میں فاتحہ خوانی کیلئے آئے افراد نے ریسکیو ٹیم کو اطلاع دے دی جس کے بعد ریسکیو 1122 نے فوری کارروائی کرکے بچی کو تحویل میں لے لیا۔
رسیکیوذرائع کے مطابق بچی زندہ سلامت تھی مگراس کو بخار اور نمونیا ہوا تھا فورا ہسپتال میں ایڈمٹ کیا گیا،ایک ہفتے بعد ڈسچارچ کر دیا گیا۔
ذرائع نے مزید بتایا کہ نومولود کی ابتدائی طبی امداد اور قانونی کارروائی کے بعد بچی ایک سرکاری اہلکار نے گود لے لی۔
نوشہرہ کے قبرستان سے ملنے والی نومولود بچی کی ویڈیو بھی سوشل میڈیا پر وائرل ہو رہی ہے۔