فلم ، ٹی وی اور اسٹیج کے نامور اداکار کامیڈین لکی ڈئیر شدید علیل،حکومت سے مدد کی اپیل کر دی

لاہور:فلم ، ٹی وی اور اسٹیج کے نامور اداکار کامیڈین لکی ڈئیر شدید علیل ہو گئے، ان کے اہل خانہ نے پنجاب حکومت سے علاج کیلئےمالی امداد کی اور بہتر طبی امداد کی سہولیات کی اپیل کر دی۔
اہل خانہ کے مطابق ساٹھ سالہ اداکار لکی ڈئیر پھیپھڑوں اور ذیابطیس کے مرض میں مبتلا ہیں،اور علالت کے باعث انہیں میو اسپتال لاہور میں داخل کروایا گیا ہے۔

اہل خانہ نے پنجاب حکومت سے علاج کیلئے معاونت کی اپیل کی ہے، ان کا کہنا تھا کہ لکی ڈئیر کا علاج بہت مہنگا ہے ہم اتنے مہنگے علاج کی سکت نہیں رکھتے اس لیے سرکاری سطح پر علاج کروایا جائے۔
 دوسری جانب ماضی کی معروف اداکارہ نرگس اور حسن مراد سمیت دیگر اداکاروں نے لکی ڈئیر کی میو اسپتال میں عیادت بھی کی۔
 لکی ڈئیر نے سیکڑوں اسٹیج ڈراموں میں اداکاری کی اس کے علاوہ چند ٹی وی ڈراموں اور فلموں میں بھی اداکاری کرتے رہے۔ لکی ڈئیر تھیٹر پر اپنے مخصوص انداز کے باعث جانے جاتے ہیں۔