برطانوی شاہی جوڑے پرنس ہیری اورمیگھن مارکل کی طلاق کے حوالے سےخفیہ معاہدہ ہونے کا دعویٰ

برطانوی شاہی جوڑے پرنس ہیری اور میگھن مارکل کی طلاق کے حوالے سےایک خفیہ معاہدہ ہونےکا دعوی سامنے آیا ہے۔
درحقیقت اس شاہی جوڑے کے درمیان طلاق کے حوالے سے پہلے بھی کئی بار افواہیں سامنے آئیںہیں، تاہم جوڑے کی جانب سے متعدد بار ان افواہوں کی تردید کی گئی مگر پھر بھی یہ سلسلہ جاری ہے۔
اب ایک نئی رپورٹ سامنے آئی ہے جس میں میگھن مارکل اور پرنس ہیری کے درمیان طلاق سے متعلق ایک خفیہ معاہدے ہونے کا دعویٰ کیا گیا ہے۔
 اس خفیہ معاہدے کے مطابق اگر جوڑے کے درمیان طلاق ہوتی ہے تو اس صورت میں میگھن مارکل نے خفیہ معاہدے میں متعدد مطالبات کر رکھے ہیں، معاہدے کے مطابق اگر پرنس ہیری میگھن مارکل سے علیحدگی کا فیصلہ کرتے ہیں تو انہیں اہلیہ کے متعدد مطالبات پورے کرنا ہوں گے۔

برطانوی شاہی ذرائع نے انکشاف کیاہے کہ اہلیہ میگھن مارکل نے شہزادے پر واضح کر دیا ہے کہ وہ جب بھی کبھی الگ ہوئے تو ان کا شاہی خطاب برقرار رہے گا جبکہ انہیں زرتلافی کے طور پر کافی کچھ دیا جائے گا۔
میگھن مارکل کو طلاق کی صورت میں امریکی ریاست کیلی فورنیا کے علاقے مونٹیسیٹو میں واقع جوڑے کا گھر میگھن مارکل کی ملکیت ہوگا۔ رپورٹ کے مطابق میگھن مارکل کا کہنا ہے کہ طلاق کی صورت میں اس وقت تک کہیں نہیں جاؤں گی جب تک کہ شاہی خطاب، جائیداد اور بڑی رقم نہ وصول کر لوں۔
واضح رہے کہ اس شاہی جوڑے کی طلاق سے متعلق خبریں گزشتہ سال بھی سامنے آئی تھیں اور اس وقت ایک ایونٹ کے دوران پرنس ہیری نے تمام قیاس آرائیوں کو مسترد کر دیا تھا،پرنس ہیری نے اس موقع پر کہا کہ اگر خبروں پر جایا جائے تو ہم دونوں کے درمیان متعدد بار طلاق ہوچکی ہے، مگر دیکھیں ہم اب بھی ایک ساتھ ہیں۔
دلچسپ بات یہ ہے کہ 8 فروری 2025 کو پرنس ہیری اور میگھن مارکل نے طلاق کی افواہوں کو بلاواسطہ طریقے سے مسترد کر دیا تھا اوردونوں عوامی سطح پر 6 ماہ بعد پہلی بار 8 فروری کو اکٹھے نظر آئے تھے۔
اس موقع پر دونوں کی جانب سے تقاریر بھی کی گئی تھیں اور میگھن مارکل نے اپنے شوہر کو خراج تحسین پیش کیا اور پیار کا اظہار کیا۔