شوبز انڈسٹری کے ستاروں کے اعزاز میں ’لیجنڈز ایوارڈ‘ کی رنگا رنگ تقریب

لاہور:الحمرا آرٹس سنٹر میں پاکستان شوبز انڈسٹری کے چمکتے دمکتے ستاروں کے اعزاز میں "لیجنڈز ایوارڈ" سجایا گیا ۔
تقریب میں فلم، ٹیلی ویژن اور تھیٹر سے وابستہ نامور فنکاروں نے شرکت کی، جبکہ گلوکاروں کی مدھر آوازوں اور پرفارمرز کی شاندار رقص نے محفل کو چار چاند لگا دیے۔جس میں گلوکاروں نے خوبصورت گیت پیش کئے تو پرفارمرز نے رقص پرفارمنسز سے سماں باندھ دیا ۔۔
الحمرا آرٹس سنٹر لاہور میں لیجنڈز ایوارڈ کا رنگا رنگ میلہ سجا تو گویا شوبز ستاروں کی کہکشاں اتر آئی جس میں پرفارمرز نے مشہور سدا بہار گیتوں پر رقص پیش کرکے شو کو چار چاند لگا دئیے ۔
آرٹسٹ نرمل نے موسیقار ذوالفقار عطرے مرحوم کےببنائے گئے میڈلے گیتوں پر شاندار پرفارمنس دی تو ہال میں موجود لوگوں نے تالیاں بجا کر داد دی۔  
یوارڈ حاصل کرنے والی نمایاں شخصیات میں سینئر اداکار غلام محی الدین، شاہد، آصف خان، سید نور، جرار رضوی، اداکارہ امروزیہ، نشو بیگم، روبی انعم، شیبا بٹ اور سنگیتا بیگم شامل تھے، جنہیں انڈسٹری میں نمایاں خدمات انجام دینے پر خراج تحسین پیش کیا گیا۔ 
تقریب میں شریک مہمانوں نے اس ایونٹ کو ایک یادگار لمحہ قرار دیتے ہوئے اس امید کا اظہار کیا کہ اس طرح کے ایونٹس کا انعقاد مستقبل میں بھی جاری رہنا چاہئیے ۔