پاکستانی مردوں نے مجھے بہت رلایا ہے، راکھی ساونت آبدیدہ ہو گئیں

لاہور:بھارتی اداکارہ اور رقاصہ راکھی ساونت نے آبدیدہ ہوتے ہوئے کہا ہے کہ انہیں پاکستانی مردوں نے بہت رلایا ہے۔
حال ہی میں راکھی ساونت متھیرا کے شو میں ویڈیو لنک کے ذریعے شریک ہوئیں اور اپنے دکھڑے بیان کئے، راکھی ساونت کا کہنا تھا کہ پاکستانی مرد، خاص طور پر دودی خان، انہیں رُلا رہے ہیں۔
راکھی ساونت نے پروگرام میں کہا کہ پاکستانی اداکار و پولیس افسر ڈوڈی خان نے پہلے مجھے شادی کیلئے پروپوز کیا اور پھر اپنی بات سے پیچھے ہٹ گیا،راکھی ساونت نے مزید کہا کہ ڈوڈی خان نے اپنے کسی بھائیوں سے شادی کروانے کا کہا اور اب وہ دوبارہ کہہ رہا ہے کہ وہ میرے پاس انگوٹھی اور پھول لے کر آئے گا۔

متھیرا سے گفتگو کے دوران راکھی نے اشکبار آنکھوں سے کہا کہ وہ دودی خان پر اعتماد کر بیٹھی تھیں لیکن ان کے غیر سنجیدہ رویے نے انہیں سخت دُکھی کر دیا، وہ چاہتی تھیں کہ یہ رشتہ سادہ اور واضح ہو مگر مسلسل بدلتے بیانات نے انہیں الجھا دیا ہے۔
راکھی ساونت نے کہا کہ ڈوڈی خان پہلے مجھ سے شادی کرنا چاہتا تھا اور اب وہ الجھن کا شکار ہے، میں نے پاکستانی ہونے کی وجہ سے اس پر یقین کیا وہ میرا دوست بھی ہے لیکن پروپوز کرنے کے بعد وہ اپنی بات سے مکر گیا ہے۔
اداکارہ نے دعویٰ کیا کہ مفتی قوی نے بھی شادی کی پیشکش کی لیکن کوئی بھی اپنی بات پر قائم نہیں ہے اور ان سب چیزوں نے مجھے رلایا ہے۔