واٹس ایپ نے انڈیا  میں ایک ماہ  میں 84 لاکھ  سے زائد واٹس ایپ اکاؤنٹس بند کردیے

 سوشل میڈیا پلیٹ فارم واٹس ایپ نے انڈیا  میں ایک ماہ  میں 84 لاکھ  سے زائد واٹس ایپ اکاؤنٹس بند کردیے۔

میڈیا رپورٹس کے مطابق یہ کارروائی واٹس ایپ کی پیرنٹ کمپنی میٹا کی طرف سے جعلی سرگرمیوں کے پیش نظر پلیٹ فارم کے غلط استعمال پر بڑھتے ہوئے خدشات کے جواب میں سامنے آئی ہے۔

میڈیا رپورٹس میں بتایا گیا ہے کہ  اگست 2024 میں واٹس ایپ کو  10707 صارفین کی جانب سے شکایات موصول ہوئیں جس میں سے  93 فیصد شکایات پر پلیٹ فارم کی جانب سے فوری کارروائی کی گئی۔

اس پابندی  کے تحت  مجموعی طور پر بلاک کیے گئے اکاؤنٹس میں سے 1.66 ملین صارفین  کو سنگین خلاف ورزیوں کی وجہ سے فوری طور پر بلاک کردیا گیا تھاجب کہ باقی اکاؤنٹس کو تحقیقات کے بعد مشکوک قرار دینے پر بلاک کیا گیا۔

میٹا نے انفارمیشن ٹیکنالوجی ایکٹ کے تحت بھارت میں تقریباً 8.45 ملین واٹس ایپ اکاؤنٹس بند کردیے ، رپورٹ میں انکشاف کیا گیا ہےکہ یہ اکاؤنٹس یکم اگست سے 31 اگست کے درمیان بند کیے گئے۔

 واٹس ایپ  نے بتایا کہ پابندی صارفین کی جانب سے  فراڈ  اور مشکوک سرگرمیوں کی اطلاعات ملنے پر عمل میں لائی گئی  جب کہ پابندی کا  مقصد پلیٹ فارم کی سالمیت کے تحفظ  کو مستحکم بنانا ہے۔