Advertisement

چیمپئنز ٹرافی میں قومی ٹیم کی سیمی فائنل تک رسائی اب دوسروں کے نتائج پر منحصر

پاکستان کے لیے چیمپئنز ٹرافی میں آگے بڑھنا مشکل ہو گیا ہے۔ تاہم اب بھی تکنیکی طور پر موقع موجود ہے

GNN Web Desk
شائع شدہ 2 سال قبل پر فروری 24 2025، 7:24 شام
ویب ڈیسک کے ذریعے
چیمپئنز ٹرافی میں قومی  ٹیم کی سیمی فائنل تک رسائی اب دوسروں کے نتائج پر منحصر

چیمپئنز ٹرافی میں پاکستان کرکٹ ٹیم کی سیمی فائنل تک رسائی اب دوسروں کے نتائج پر منحصر، بھارت نے گروپ میچ میں پاکستان کو شکست دے کر ایونٹ میں مسلسل دوسری کامیابی کے ساتھ ممکنہ طور پر سیمی فائنل میں رسائی حاصل کرلی ہے۔

اتوار کو چیمپئنز ٹرافی کے ہائی وولٹیج میچ میں گروپ اے میں شامل بھارت نے پاکستان کو 6 وکٹوں سے شکست دی۔ یہ بھارت کی ایونٹ میں مسلسل دوسری کامیابی جبکہ پاکستان کی مسلسل دوسری شکست تھی۔

گروپ اے میں بھارت 2 میچز میں مسلسل کامیابی کے ساتھ 4 پوائنٹس حاصل کرکے پہلے نمبر پر ہے۔ نیوزی لینڈ، میزبان پاکستان کو شکست دینے کے بعد 2 پوائنٹس کے ساتھ دوسرے نمبر پر ہے۔

بنگلادیش نے ابھی تک ایک میچ کھیلا جس میں اسے بھارت کے ہاتھوں شکست ہوئی۔ اس کا پوائنٹس ٹیبل پر تیسرا نمبر ہے جبکہ دفاعی چیمپئن اور میزبان پاکستان 2 میچ میں لگاتار شکست کھا کر پوائنٹس ٹیبل پر آخری پوزیشن پر ہے۔ 

نیوزی لینڈ کے خلاف شکست اور پھر بھارت کے ہاتھوں چھ وکٹوں سے ہار کے بعد پاکستان کے لیے چیمپئنز ٹرافی میں آگے بڑھنا مشکل ہو گیا ہے۔ تاہم اب بھی تکنیکی طور پر موقع موجود ہے، لیکن اس کے لیے کئی شرائط کا ہورا ہونا ضروری ہے۔

پاکستان کو 27 فروری کو راولپنڈی میں بنگلادیش کے خلاف میچ بڑے مارجن سے جیتنا ہوگا لیکن صرف جیت کافی نہیں ہوگی، نیوزی لینڈ کو بھی اپنے دونوں میچز، یعنی پہلے بنگلادیش اور پھر بھارت کے خلاف ہارنا ہوگا۔ اگر کیوی ٹیم یہ دونوں میچ ہار جاتی ہے تو بھی فیصلہ رن ریٹ پر ہوگا، جس کے لیے پاکستان کو بھاری مارجن سے کامیابی درکار ہوگی۔

اگر نیوزی لینڈ بنگلہ دیش کے خلاف میچ جیت جاتا ہے یا بارش کے باعث میچ بے نتیجہ رہتا ہے تو پاکستان ٹورنامنٹ سے باہر ہوجائے گا۔ تاہم، اگر بنگلادیش نیوزی لینڈ کو شکست دیتا ہے، تو پاکستان کی امیدیں زندہ رہیں گی اور بنگلادیش کے خلاف میچ فیصلہ کن اہمیت اختیار کر جائے گا۔

بھارت اور نیوزی لینڈ کے درمیان دو مارچ کو ہونے والا میچ بھی سیمی فائنل کی صورتحال پر اثر ڈال سکتا ہے۔

واضح رہے کہ پاکستان چیمپئنز ٹرافی کا دفاعی چیمپئن ہے، اور 2017 میں سرفراز احمد کی قیادت میں اس ٹائٹل کو اپنے نام کر چکا ہے۔ اب دیکھنا یہ ہے کہ قسمت پاکستان کا ساتھ دیتی ہے یا نہیں۔

Advertisement
پشاور میں نادرا کا اسسٹنٹ ڈائریکٹر فائرنگ سے جاں بحق

پشاور میں نادرا کا اسسٹنٹ ڈائریکٹر فائرنگ سے جاں بحق

  • 13 دن قبل
پیٹرول اور ڈیزل کی قیمتوں میں کمی کا اعلان

پیٹرول اور ڈیزل کی قیمتوں میں کمی کا اعلان

  • 14 دن قبل
پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا

  • 12 دن قبل
پہلے ایل پی جی اوراب بجلی بم گرا دیا گیا

پہلے ایل پی جی اوراب بجلی بم گرا دیا گیا

  • 12 دن قبل
ڈی جی آئی ایس پی آر کی لاہور کی جامعات آمد، طلبہ سے خصوصی نشستیں

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں

  • 12 دن قبل
راولپنڈی: گھر سے خاتون اینکر ربیعہ احسن کی گولی لگی لاش برآمد

راولپنڈی: گھر سے خاتون اینکر ربیعہ احسن کی گولی لگی لاش برآمد

  • 11 دن قبل
پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر

  • 13 دن قبل
پولیس افسران کی ترقیوں کے خلاف پنجاب حکومت کی اپیلیں خارج

پولیس افسران کی ترقیوں کے خلاف پنجاب حکومت کی اپیلیں خارج

  • 12 دن قبل
انڈر 19 ایشیا کپ: پاکستان نے بھارت کو 3 وکٹ سے شکست دے دی

انڈر 19 ایشیا کپ: پاکستان نے بھارت کو 3 وکٹ سے شکست دے دی

  • 11 دن قبل
نئی لالی وڈ فلم ’عاشق رنگ رنگیلے‘ سینما گھروں کی زینت بن گئی

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی

  • 12 دن قبل
وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ

  • 11 دن قبل
پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا

  • 11 دن قبل
رجحانات
Advertisement