افغانستان کی آسٹریلیا کے خلاف ٹاس جیت کر بیٹنگ جاری

چیمپیئنز ٹرافی کے گروپ بی کے فیصلہ کُن میچ میں افغانستان کی آسٹریلیا کے خلاف ٹاس جیت کر بیٹنگ جاری ہے۔

قذافی اسٹیڈیم لاہور میں کھیلے جارہا یہ میچ افغانستان کے لیے فیصلہ کُن ہے جس میں شکست کی صورت میں وہ سیمی فائنل کی دوڑ سے باہر ہوجائے گا۔

یہ افغانستان کا تیسرا گروپ میچ ہے جس میں ناکامی کی صورت میں افغان ٹیم ٹورنامنٹ سے باہر ہوجائے گی جبکہ اس میچ کا فاتح سیمی فائنل میں پہنچے گا۔

واضح رہے کہ دو روز قبل انگلینڈ کے خلاف سنسنی خیز میچ میں افغانستان نے انگلینڈ کو 8 رنز سے شکست دے کر انہیں ٹورنامنٹ سے باہر کیا تھا، جبکہ آسٹریلیا بھی اپنے پہلے میچ میں انگلینڈ کو شکست دے چکا ہے۔

آج کے میچ کے لیے دونوں ٹیمیں ان کھلاڑیوں پر مشتمل ہیں:

آسٹریلیا: اسٹیو اسمتھ (کپتان)، میتھیو شارٹ، ٹریوس ہیڈ، مارنس لبوشانے، جوش انگلس، ایلکس کارے، گلین میکسویل، بین ڈوارشوز، نیتھن ایلِس، ایڈم زامپا اور اسپینسر جانسن۔

افغانستان: حشمت اللہ شاہدی (کپتان)، رحمٰن اللہ گرباز، ابراہیم زادران، صدیق اللہ اتل، رحمت شاہ، عظمت اللہ عمر زئی، محمد نبی، گلبدین نائب، راشد خان، نور احمد اور فضل حق فاروقی۔