چیمپئنز ٹرافی: بھارت کا نیوزی لینڈ کو جیت کیلئے 250 رنز کا ہدف

دبئی:آئی سی سی چیمپئنز ٹرافی کے گروپ میچ میں بھارت نے پہلے بلےبازی کرتے ہوئے نیوزی لینڈ کو جیت کیلئے 250 رنز کا ہدف دے دیا۔
 دبئی کرکٹ اسٹیڈیم میں کھیلے جا رہےمیچ میں نیوزی لینڈ نے ٹاس جیت کر فیلڈنگ کرنے کا فیصلہ کیاتھا۔ بھارتی ٹیم کی قیادت روہت شرما اور نیوزی لینڈ کی قیادت مچل سینٹنر کر رہے ہیں۔
بھارتی ٹیم نے پہلے بیٹنگ کرتے ہوئے مقررہ 50 اوورز میں 9 وکٹوں کے نقصان پر 249 رنز اسکور کیے،نیوزی لینڈ کے خلاف بھارت کا ٹاپ آرڈر مشکلات کا شکار رہا اور بھارتی ٹیم کے تین کھلاڑی 30 رنز پر ہی پویلین لوٹ گئے۔
بھارت کی جانب سے شبھمن گل 2، روہت شرما 15 اور ویرات کوہلی 11 رنز بناکر آؤٹ ہوئے، جبکہ شیریاس ائیر نے 98 گیندوں پر 79 رنز اسکور کیےاور ہارڈک پانڈیا نے 45 گیندوں پر 45 رنز بناکر نمایاں رہے۔

نیوزی لینڈ کی جانب سے میٹ ہنری نے 5 وکٹیں لیں، ان کے علاوہ کائل جیمیسن، راچن رویندرا، ول او رورک، مچل سینٹنر نے ایک، ایک وکٹ حاصل کی۔
بھارت اور نیوزی لینڈکا یہ میچ اس لیے اہم ہے کہ اس کے نتیجے کے بعد پوائنٹس ٹیبل پر ٹیموں کی پوزیشن واضح ہوجائے گی،اس میچ کے بعد پتا چلے گا کہ کون سی ٹیم سیمی فائنل میں کس سے مقابلہ کرے گی۔
خیال رہے کہ بھارت، نیوزی لینڈ، آسٹریلیا اور جنوبی افریقا کی ٹیمیں ٹورنامنٹ کے سیمی فائنل میں پہنچ چکی ہیں۔