پی سی بی کا کل دوسرے سیمی فائنل میں شائقین کو فری افطاری کروانے کا اعلان

لاہور: پاکستان کرکٹ بورڈ(پی سی بی) کی جانب سے کل لاہور میں ہونے والے جنوبی افریقہ اور نیوزی لینڈ کے مابین سیمی فائنل کے دوران شائقین کرکٹ کو فری افطاری باکس دینے کا اعلان کیا گیا ہے۔
پی سی بی کے مطابق نیوزی لینڈ اور جنوبی افریقا کا میچ دیکھنے والوں کو فری افطاری دی جائے گی، تماشائی میچ ٹکٹ دکھا کر کجھور، جوس اور منی پیزا والا افطاری باکس حاصل کر سکیں گے۔
اس کے علاوہ تماشائی اسٹیڈیم کے اندر فوڈ اسٹالز سے کھانے پینے کی دیگر اشیاء بھی خرید سکیں گے۔
سیمی فائنل میچ کل دوپہر 2 بجے شروع ہو گا جبکہ افطار شام 6 بج کر 5 منٹ پر ہو گا۔
خیال رہے چیمپئنز ٹرافی 2025ء کا پہلا سیمی فائنل آج بھارت اور آسٹریلیا کے درمیان دبئی میں کھیلا جا رہا ہے، آسٹریلوی ٹیم کی فتح کی صورت میں فائنل میچ پاکستان میں کھیلا جائے گا۔