ہفتے کا دوسرا روز ، ہنڈرڈ انڈیکس میں 756پوائنٹس کا اضافہ

پاکستان اسٹاک ایکسچینج میں کاروباری ہفتے کے دوسرے روز مارکیٹ میں مثبت رجحان رہا ۔  

پاکستان اسٹاک ایکسچینج میں کاروبار کے  اختتام  پر ہنڈرڈانڈیکس 756 پوائنٹس کے اضافے سے ایک   لاکھ 12 ہزار 743 پوائنٹس پر بند ہوا۔  

مارکیٹ میں 20 کروڑ 68 لاکھ سے زائد شیئرز کا لین دین ہوا ، 11 ارب 33 کروڑ سے زائد مالیت کے شیئرز کے سودے ہوئے ،مارکیٹ کی بلند ترین سطح 112،877 جبکہ کم ترین سطح 111،717 پوائنٹس رہی۔

دوسری جانب انٹر بینک میں ڈالر 10پیسے مہنگا ہوگیا، کاروبار  کے اختتام پر ڈالر 279روپے 67  پیسے سے بڑھ کر 279روپے 77 پیسے پر بند ہوا۔

اسٹاک مارکیٹ میں  دن بھر مجموعی طور پر 429 کمپنیوں کے شیئرز میں کاروبار ہوا ،221 کمپنیوں کے شیئرز کی قیمتوں میں اضافہ جبکہ 150 کے شیئرز میں کمی ہوئی۔