حکومت کا عامر علی احمد کو مستقل چیئرمین سی ڈی اے تعینات کرنے کا فیصلہ

تفصیلات کے مطابق گریڈ 20 کے  آفیسر عامر علی احمد اس وقت چیف کمشنر اسلام آباد کے عہدے پر تعینات ہیں  اور ان کے پاس چیئرمین سی ڈی اے کا اضافی چارج بھی ہے لیکن اب وفاقی حکومت نے عامر علی احمد کو مستقل چیئرمین سی ڈی اے بورڈ تعینات کرنے کا فیصلہ کیا ہے ۔  ان کی بطور چیئرمین سی ڈی اے بورڈ تعیناتی پانچ سال کیلئے ہوگی۔

کابینہ سے وزارت داخلہ کی سمری  سرکولیشن کے ذریعے منظوری لے لی گئی ، وزیر اعظم عمران خان  نے کابینہ سے سرکولیشن کے ذریعے سمری کی منظوری لینے کی اجازت دی ، ذرائع کے مطابق عامر علی احمد کی بطور  سی ڈی اے بورڈ چیئرمین تعینات کرنے کی منظوری لی گئی ہے ۔ وفاقی حکومت نے حال ہی میں سی ڈی اے کا نیا بورڈ تشکیل دیا ہے ۔