روہت شرما کے کرکٹ چھوڑنے سے متعلق تمام افواہیں ہیں ، شبھ من گل

بھارتی نائب کپتان شبھ من گل نے کہا ہے کہ روہت شرما کے کرکٹ چھوڑنے کی کوئی بات نہیں ہوئی۔

بھارتی نائب کپتان نے چیمپئنز ٹرافی کے فائنل سے قبل گفتگو کرتے ہوئے کہا کہ بھارتی ٹیم چیمپئنز ٹرافی کے فائنل میں اچھا کھیل پیش کرے گی۔ اور پوری ٹیم کے درمیان بہترین ہم آہنگی ہے۔

شبھ من گل نے کہا کہ ہماری ساری توجہ چیمپئنز ٹرافی جیتنے پر ہے۔ اور ڈریسنگ روم میں صرف میچ اور چیمپئنز ٹرافی جیتنے کی بات ہو رہی ہے۔

انہوں نے کہا کہ ڈریسنگ روم میں روہت شرما کے کرکٹ چھوڑنے کی کوئی بات نہیں ہوئی۔

انہوں نے کہا کہ کھلاڑیوں میں ہم آہنگی ہماری جیت میں اہم کردار ادا کرتی ہے۔ اور میں میچ کے حساب سے اپنا کھیل پیش کرتا ہوں۔