آئندہ 24 گھنٹوں میں ملک کے بیشتر اضلا ع میں بارش کا امکان،محکمہ موسمیات

لاہور:محکمہ موسمیات نے آئندہ 24 گھنٹوں میں ملک کے بیشتر اضلاع میں بارش اور پہاڑی علاقوں میں برفباری کی نوید سنا دی ۔
دوسری جانب پشاور اوراس کے گردونواح میں وقفے وقفے سے بارش کا سلسلہ جاری ہے ، جبکہ محکمہ موسمیات نے ملک کے دیگر حصوں میں بھی بارش اور برفباری کی پیشگوئی کی ہے۔
محکمہ موسمیات کے مطابق آئندہ 24 گھنٹوں میں خیبر پختونخوا ،پنجاب ، سندھ اور بلوچستان کے بعض اضلاع میں بارشوں اور پہاڑوں پر برفباری کا امکان ہے۔
اس کے علاوہ لاہور، اسلام آباد، پشاور، کوئٹہ اور دیگر شہروں میں اربن فلڈنگ کا خدشہ ہے۔
اس کے علاوہملک کے بالائی علاقوںسوات،کاغان،ناران،آزاد کشمیر اور گلگت بلتستان میں بھی بارش کے ساتھ ساتھ برفباری کا امکان ہے۔
دوسریی جانب مری میں بارش اور برفباری کے پیش نظر پی ڈی ایم اے نے الرٹ جاری کرتے ہوئے غیر ضروری سفر سے اجتناب کی ہدایت کی ہے۔
گزشتہ روز کم سے کم درجہ حرارت لہہ منفی 10، گوپس منفی 03، استوراور بگروٹ میں منفی 02 ڈگری سینٹی گریڈ ریکارڈ کیا گیا۔