معروف گلوکارہ مہک علی کی نئی قوالی ’’ادا‘‘ریلیز

لاہور:معروف گلوکارہ مہک علی کی نئی قوالی ’’ادا‘‘ریلیز ہوتے ہی میوزک کی دنیا میں پزیرائی حاصل کرنے لگی۔
 گلوکارہ مہک علی صوفی فوک اور بطور پلے بیک سنگر اپنی صلاحیتوں کا لوہا منوا رہی ہے ان کی نئی قوالی کو میوزک کے دلدادہ افراد کی جانب سے خوب پسند کیا جارہا ہے۔
اس کا کلام مشہور شاعر علی زریون نے لکھا ہے جبکہ علی اس ویڈیو میں بھی جلوا گر ہوئے ہیں اس کا میوزک نامور میوزک ڈائریکٹر جے علی نے دیا ہے جبکہ گلوریس پروڈکشن کے پلیٹ فارم سے اس ویڈیو کو ورلڈ وائیڈ ریلیز کیا گیا ۔
 گلوکارہ مہک علی میڈیا سے گفتگو کرتے ہوئے کہا کہ اپنی کامیابیوں کو ہمیشہ اپنے پرستاروں کے نام کیا ہے، ان کا کہنا تھا کہ کئی مرتبہ مجھے بہترین گلوکارہ کیلیے نامزد کیا گیا مہک علی نے بتایا کہ میں نے میوزک سیکھنے کا فیصلہ کیا تواس کے بعد مجھے ریڈیو میں گانے کا موقع ملا جس کے بعد میں باقاعدہ گلوکاری سیکھتے ہوئے اپنے فنی کیرئیر میں ابتک بہت سے وڈیو سونگ تیار کرچکی ہوں۔
 مہک علی نے کہا کہ میں امریکا،یورپ اور کینیڈا سمیت دنیا کے بیشترممالک میں پرفارم کرچکی ہوں ، لیکن جوخوشی مجھے اپنے ملک میں پرفارم کرکے محسوس ہوتی ہے، وہ کہیں اورنہیں۔ 
انھوں نے کہا میں پہلی صوفی فوک گلوکارہ ہوں جو صوفیانہ کلام کو فوک اور جدید انداز میں پیش کر رہی ہوں ، صوفیانہ کلام گا کرمجھے روحانی سکون ملتا ہے۔