بینک فراڈ کیس میں اداکارہ نادیہ حسین کے شوہر کی ضمانت منظور

کراچی:54کروڑ روپے کی خورد برد کے مقدمے میں گرفتار بینک الفلاح اسیکورٹیز کے سابق سی ای او اور معروف پاکستانی ماڈل نادیہ حسین کے خاوند عاطف محمد خان کے شریک ملزم کی ضمانت منظور ہو گئی ہے۔
تفصیلات کے مطابق کراچی میں سیشن عدالت کے روبرو کروڑوں روپے کابینک فراڈ کے مقدمے میں شریک ملزم سہیل محمود شیخ کی درخواست ضمامت پر سماعت ہوئی۔
دوران عدالت نے ملزم سہیل محمود شیخ کی ضمانت منظور کرتے ہوئے 2 لاکھ روپے کے مچلکے جمع کرانے کا حکم دیدیا۔
درخواست گزار کے وکیل فیض درانی ایڈووکیٹ نے مؤقف دیا کہ سہیل محمود شیخ کا اس مقدمےسے کوئی تعلق نہیں ہے،سہیل محمود شیخ 2016 سے 2019 تک چیف فنانس آفیسر رہے ہیں، عاطف خان کے کسی جرم سے سہیل محمود شیخ کا تعلق نہیں۔
انہوں نے مؤقف اپنایا کہ ایف آئی اے نے نجی بینک کے سیکیوٹیز ہیڈ کی شکایت پر مقدمہ درج کیا ہے، ملزم عاطف خان ریمانڈ پر ہے۔
خیال رہے کہ کچھ روز قبل ایف آئی اے کارپوریٹ کرائم سرکل نے اداکارہ نادیہ حسین کے گھر چھاپہ مارکر شوہر عاطف خان کو  گرفتار کیا تھا۔