فیصل قریشی نےمخالفین کو سخت پیغام دے دیا

تفصیلات کے مطابق  اداکار و میزبان فیصل قریشی نے سوشل میڈیا پر ٹرولنگ کرنے والوں پر برہمی کا اظہار کیا ہے ۔ میزبان کے پروگرام کی کچھ دن قبل ایک ویڈیو وائرل ہوئی ہے جس میں فیصل قریشی ایک ٹک ٹاکر پر تنقید کر رہے ہیں۔

اب اداکار فیصل قریشی نے انسٹاگرام پر سٹوری شیئر کرتے ہوئے لکھا ہے کہ کسی کی تصیح کرنے کا مطلب یہ نہیں کہ اسے نیچا دکھایا جارہا ہو ۔ میزبان نے مزید یہ لکھا کہ میں اب اس سٹیج پر ہوں جہاں ٹرولنگ کے دوران اپنا کام جاری نہیں رکھ سکتا ، کیونکہ ٹرولنگ بھی ایک بدسلوکی کی قسم ہے۔

اداکار فیصل قریشی نے سوشل میڈیا پر ٹرولنگ اور تنقید کرنے والوں پر تعجب کا اظہار کرتے ہوئے کہا کہ مجھے سمجھ نہیں آتا کہ لوگ اس طرح کے منفی کام کیوں کرتے ہیں ۔

یاد رہے کہ فیصل قریشی کی ٹک ٹاکر کو ڈانٹنے کی ویڈیو تیزی سے سوشل میڈیا پر وائرل ہورہی ہے دوسری جانب اداکار کے فالورز بھی اس کی حمائیت میں  ٹک ٹاکرز کو تنقید کا نشانہ بنا رہے ہیں ۔