اسٹار فٹبالر لیونل میسی انجری کے باعث ورلڈ کپ کوالیفائرز کے 2 میچز سے باہر

ارجنٹینا کے اسٹار فٹبالر لیونل میسی انجری کے باعث ورلڈ کپ کوالیفائرز کے 2 میچز سے باہر ہوگئے۔

انٹر میامی کے فاروڈ میسی اٹلانٹا یونائیٹیڈ کے خلاف میچ کے دوران انجری کا شکار ہوئے تھے۔

انٹر میامی انتظامیہ نے تصدیق کی کہ میسی کوکم درجے کی انجری ہے لیکن میسی ورلڈ کپ 2026 کوالیفائرز میں 21 مارچ کو یوروگوائے اور 25 مارچ کو برازیل کے خلاف میچ نہیں کھیل سکیں گے ۔ 

واضح رہے کہ ارجنٹینا، جو جنوبی امریکا کی 10 ٹیموں پر مشتمل ورلڈکپ کوالیفائنگ گروپ میں سرفہرست ہے، جمعہ کو یوروگوئے کے خلاف میدان میں اترے گی جبکہ 25 مارچ کو برازیل کے خلاف کوالیفائر میچ کھیلے گی۔

دوسری جانب برازیل کے نیمار بھی انجری کے باعث ٹیم کا حصہ نہیں ہیں۔