انگلیش ٹیم میں سات ارکان کا کورونا ٹیسٹ پازیٹوآنے پر ٹیم تبدیل

تفصیلات کے مطابق پاکستان اور انگلینڈ کے درمیان سیریز 8 جولائی سے شروع ہوگی ، جس میں تین ون ڈے اور تین ٹی ٹوئنٹی میچز کی سیریز کھیلی جائے گی ،سیریز  سے قبل انگلش ٹیم کے سات ارکان کا کورونا پازیٹو آیا ہے کورونا پازیٹو میں انگلش کپتان این مورگن بھی شامل ہیں۔

انگلش کرکٹ بورڈ کی جانب سے جاری بیان کے مطابق انگلش کرکٹ ٹیم کے کپتان این مورگن سمیت تین کھلاڑی اور 4 آفیشل کا کورونا ٹیسٹ مثبت آیا ہے جس کے بعد مثبت کیسزآنے والے ارکان قرنطینہ میں چلے گئے ہیں جبکہ کھلاڑیوں اور آفیشل کو ملنے والے افراد بھی آئیسولیشن میں رہیں گے جبکہ سیریز شیڈول کے مطابق کھیلی جائے گی۔

انگلش بورڈ کی جانب سے نئی ٹیم کا اعلان کر دیا گیا ہے ٹیم کی قیادت بین سٹوکس کریں گے جبکہ دیگر کھلاڑیوں میں جیکب بال ، ڈینی برگز، برائیڈن کارس،زیک کرالی،بین ڈکٹ،لوئس گریگری ،ٹائم ہیم،ول جیکسن ،ڈین لارنس ،ثاقب محمود ،ڈیوڈ مالن ،کریک اورٹن، میٹ پارکنسن،ڈیوڈ پین،فل سالٹ ،جان سمپسن اور جیمزونس شامل ہیں ۔