ویمنز کرکٹ ورلڈکپ کوالیفائرز : پی سی بی کا قذافی اسٹیڈیم میں داخلہ فری کرنے کا اعلان

لاہور:آئی سی سی ویمنز ورلڈکپ کوالیفائر پر پاکستان کرکٹ بورڈ (پی سی بی) نے شائقین کرکٹ کیلئے قذافی سٹیڈیم کے تمام میچز کیلئے داخلہ فری کر دیا۔
   آئی سی سی ویمنز کرکٹ  ورلڈکپ کوالیفائر کا باقاعدہ آغاز9اپریل سے ہوگا، قذافی سٹیڈیم میں ویمنز ٹیموں کے درمیان مجموعی طور پر 8میچز کھیلے جائیں گے۔  
پاکستان کا پہلا میچ آئرلینڈ کیخلاف 9اپریل کو صبح ساڑھے 9بجے شروع ہوگا،جبکہ اسی گرائونڈ  پر دوسرا میچ آئرلینڈ اور ویسٹ انڈیز کی ٹیموں کے مابین 11 اپریل کو کھیلا جائے گا ۔
پی سی بی کے اعلان کے بعد ان تمام میچز کیلئے شائقین کرکٹ کا داخلہ فری ہو گا۔
ورلڈ کپ کوالیفائر میںپاکستان ، ویسٹ انڈیز، بنگلہ دیش، تھائی لینڈ، آئرلینڈ، سکاٹ لینڈ کی ٹیمیں شریک ہیں۔