پنجاب میں شہری ویکسین کی دوسری خوراک کے منتظر

لاہور میں شہریوں کا کہنا ہے کہ ویکسین کی پہلی ڈوز کو 21 دن سے زیادہ ہوگئے ہیں تاحال دوسری خوراک نہ لگ سکی۔شہریوں نے کہا کہ ویکسین مراکز میں کوئی پوچھنے والا نہیں، دوسری ڈوز چار دن سے ختم ہے۔اس حوالے سے محکمہ صحت پنجاب نے کہا کہ سائنوفارم کی ساڑھے 8 لاکھ خوراکیں آگئی ہیں۔

محکمہ صحت پنجاب نے مزید کہا کہ آج تمام شہروں کو ویکسین کی نئی خوراکیں بھجوادی جائیں گی۔محکمہ صحت پنجاب نے یہ بھی کہا کہ کل سے شہریوں کو سائنوفارم کی دوسری خوراک لگنا شروع ہو جائے گی۔

محکمہ صحت پنجاب کے مطابق پنجاب میں سائنوویک، موڈرنا اور فائزر کی پہلی ڈوز لگ رہی ہیں جبکہ ایسٹرازنیکا ویکسین کی نئی کھیپ تاحال نہیں آئی ہے۔