نئے امریکی ٹیرف پر جوابی اقدام اٹھانے کی بجائے بات چیت کریں گے ،وزیر خزانہ

اسلام آباد:وزیرخزانہ محمد اورنگزیب نےنئے امریکی ٹیرف پر جوابی اقدام اٹھانے کی بجائے بات چیت کرنےکا عندیہ دے دیا۔
برطانو ی نشریاتی ادارے (بی بی سی) کو انٹرویو میں وزیر خزانہ نے کہا کہ نیو ورلڈ آرڈر کے ساتھ آگے بڑھنے کے لائحہ عمل پر غور کرنا ہو گا، امریکی صدر ڈونلڈ ٹرمپ کی نئی ٹیرف پالیسی پریشان کن ہے اس معاملے پر بات چیت کریں گے۔
انہوں نے مزید کہا ہے کہ نئے امریکی ٹیرف پر بات چیت کریں گے جوابی اقدام نہیں اٹھائیں گے۔
وزیر خزانہ محمد اورنگزیب نے کہا کہ امریکا طویل عرصے سے پاکستان کا اسٹریٹجک پارٹنر ہے، چین سے تعلقات بھی پاکستان کیلیے انتہائی اہمیت کے حامل ہیں۔
خیال رہے گزشتہ ہفتے امریکی صدر ڈونلڈ ٹرمپ نے دنیا کے بیشتر ممالک پر نئے ٹیرف کے نفاذ کا اعلان کیا تھا، تاہم بعد میں ٹرمپ نے اضافی ٹیرف کے اطلاق کو 90 روز کے لیے موخر کر دیا۔
ابتدائی طور پر امریکہ کی جانب سے پاکستان پر بھی 29 فیصد ٹیرف عائد کرنے کا اعلان کیا گیا تھا۔