اسٹیج، فلم اور ٹی وی کے نامور اداکار و کامیڈین جاوید کوڈو کی نماز جنازہ ادا

لاہور: پاکستان فلم، ٹی اور  اسٹیج کے نامور اداکار و کامیڈین جاوید کوڈو کو سیکٹروں سوگواروں کی موجودگی میں سپرد خاک کر دیا گیا۔
ان کی نماز نماز جنازہ لاہور کے علاقے سنگھ پورہ قبر ستان میں ادا کی گئی جس میں شوبز انڈسٹری کی معروف شخصیات سمیت عوام کی بڑی تعداد شریک ہوئی ۔
 نامور اداکار سہیل احمد کاشف محمود اورنگزیب لغاری نواز انجم گوشی خان نسیم وکی قیصر پیا عرفان ہاشمی خالد عباس ڈار سمیت دیگرنے ان کی نماز جنازہ میں شرکت کی ،اور جاوید کوڈو کوخراج تحسین پیش کیا۔

 شوبز شخصیات نے کہا کہ جاوید کوڈو ایک بڑے اداکار اور سچے انسان تھے انہوں نے ہمیشہ صاف ستھرے کام کو ترجیح دی ان کا کام ہمیشہ سے ہی دوسروں نے پسند کیا وہ چھوٹے قد کے ایک بڑے فنکار تھے جنہیں کبھی فراموش نہیں کیا جا سکتا۔
جاوید کوڈو نے کئی دہائیوں تک شوبز انڈسٹری میں خدمات انجام دیں انہوں نے سیکڑوں فلموں میں اداکاری کے جوہر دکھائے کئی ڈراموں میں بھی کام کیا جبکہ اسٹیج پر کئی ڈراموں کے ذریعے دیکھنے والوں کے چہروں پر مسکراہٹیں بکھیریں۔
خیال رہے کہ وہ کافی عرصہ سے مختلف امراض میں مبتلا تھے،اور گزشتہ روز اپنے خالق حقیقی سے جاملے۔