پاکستان سمیت دنیا بھر میں آج پنک مون کا نظارہ کیا جا سکے گا

اسلام آباد: پاکستان سمیت دنیا بھر میں آج منفرد اور خوبصورت پنک مون کا نظارہ کیا جاسکے گا۔
تفصیلات کے مطابق ” پنک مون“ ہر سال بہار کے آغاز پر نظر آتا ہے، لیکن کیا آپ جانتے ہیں؟ اس کا رنگ اصل میں گلابی نہیں ہوتا؟اس کا نام بہار میں کھلنے والے خوبصورت گلابی ”پھلوکس“ (Phlox) پھولوں سے لیا گیا ہے، جو نئے موسم کی آمد کی نوید دیتے ہیں۔
اس سال پاکستان میں مکمل پنک مون کا نظارہ آج رات 9 بجکر 8 منٹ پر کیا جاسکتا ہے۔
ماہرین کا کہنا ہے کہ چاند کو طلوع کے وقت دیکھنا سب سے خوبصورت ہوتا ہے، جب سورج غروب ہو رہا ہو۔ اُس وقت چاند کچھ زیادہ ہی بڑا اور روشن دکھائی دیتا ہے، جسے ”مون الیوژن“ کہا جاتا ہے، یعنی ایک بصری فریب جو چاند کو معمول سے بڑا دکھاتا ہے۔