پاکستان بیڈمنٹن فیڈریشن نے پلیئر مراد علی پر دوسال کی پابندی لگادی

میڈیا رپورٹ کے مطابق پاکستان بیڈ منٹن فیڈریشن کی ایگزیکٹو کمیٹی کے اجلاس میں پلوشہ بشیر اور مراد علی کے بیانات کا جائزہ لیا گیا جو انہوں نے نیشنل چیمپیئن ماحور شہزاد کے اولیمپکس میں پاکستان کی نمائندگی کرنے سے متعلق دیے تھے ۔

مراد علی کے ماضی کے واقعات کو مد نظر رکھتے ہوئے دوسال کی پابندی لگائی گئی ہے جبکہ پلوشہ بشیر کا کیس ڈسپلنری کمیٹی کو بیھج دیا گیا ہے ۔ کمیٹی ایک ماہ میں انکوائری مکمل کرکے اپنی رپورٹ پیش کرےگی۔

کمیٹی میں کھلاڑیوں کی رییکنگ کا جائزہ لیا گیا جس کے بعد کمیٹی نے مراد علی اور پلوشہ بشیر کے بیانات کو بے بنیاد قرار دے دیا ہے۔