فلم ’’سردارجی 3‘‘میں ہانیہ عامر دلجیت دوسانجھ کیساتھ کونسا کردار نبھائیں گی؟ ناصر چنیوٹی نے بتادیا

ویب ڈیسک:  معروف پاکستانی اداکار و کامیڈین ناصر چنیوٹی نے اداکارہ ہانیہ عامر کی دلجیت دوسانجھ کے ساتھ آنے والی بھارتی پنجابی فلم’’سردارجی3‘‘میں ان کے کردار سے متعلق انکشاف کردیا ۔
 ایک انٹرویو میں معروف کامیڈین نے فلم’’سردارجی 3‘‘ کے بارے میں سوال کے جواب میں انہوں نے بتایا کہ یہ فلم رواں سال جون میں ریلیز ہونے جا رہی ہے، اس فلم میں پنجابی گلوکار و اداکار دلجیت دوسانجھ بھی ہیں۔
 ناصر چینوٹی فلم میں ہانیہ عامر کے کردار سے متعلق بات کرتے ہوئے انہوں نے بتایا کہ ہانیہ بہت اچھی پنجابی بولتی ہیں، وہ پاکستان کی سپر اسٹار اور ایک باکمال اداکارہ ہیں، فلم میں ان کے کردار اور اداکاری کو دیکھ کر لوگ خوش ہو جائیں گے۔
خیال رہےکہ اداکار و کامیڈین چنیوٹی کا شمار پاکستان کے بہترین کامیڈین میں ہوتا ہے جو بھارت جا کر اپنی اداکاری کے جوہر بھی دکھا چکے ہیں،اس کے علاوہ انہوں نے 2024 میں ریلیز ہونے والی بھارتی پنجابی فلم ’’جٹ اینڈ جولیئٹ 3‘‘میں بھی کام کیا جو کامیاب رہی اور فلم نے اچھا بزنس بھی کیا تھا جبکہ وہ ہانیہ عامر کے ساتھ آنے والی فلم ’’سردارجی 3‘‘کا بھی حصہ ہیں۔