یوروکپ : انگلینڈ فائنل تک پہنچنے میں کامیاب

تفصیلات کے مطابق یورو کپ فٹبال میں دوسرا سیمی فائنل میچ کا فیصلہ اضافی وقت کے کھیل میں ہوا۔ انگلینڈ کا فیصلہ کن گول کپتان ہیری کین نے پنالٹی کک پر کیا۔ پہلے ہاف میں انتہائی سنسنی خیز رہا جب ڈنمارک کے ڈیمزگارڈ نے 30 ویں منٹ میں گول کر کے ٹیم کو سبقت دلائی۔ تاہم 39 ویں منٹ میں ڈنمارک کے سائمن کئیار نے اپنے ہی گول میں گیند پھینک کر اپنی ہی ٹیم کی برتری ختم کردی۔

اسی طرح میچ کے دوسرے ہاف میں سخت مقابلہ ہوا  مگر دونوں میں سے کوئی ٹیم بھی گول نہ کرسکی۔ اضافی وقت کے 14ویں منٹ پر کپتان ہیری کین نے پنالٹی کک کے ری باونڈ پر گول کرکے انگلینڈ کو ایک کے مقابلے میں دو گول کی برتری دلائی جو آخر وقت تک برقرار رہی۔

55برس  بعد یہ پہلا موقع ہے کہ انگلش ٹیم کسی بڑے فٹبال ٹورنامنٹ کے فائنل میں پہنچی ہے۔ یورو کپ میں اس سے پہلے انگلینڈ دو مرتبہ تیسری پوزیشن تک پہنچ پایا تھا۔ 1966 ورلڈ کپ کا فائنل بھی ویمبلے اسٹیڈیم میں انگلینڈ اور مغربی جرمنی کے درمیان کھیلا گیا تھا، جس میں انگلینڈ نے فٹبال کا پہلا ٹورنامنٹ جیتا تھا۔

 انگلینڈ بھر میں جشن کا سماں ہے  ۔ یورو کپ کے فائنل میں رسائی پر  بورس جانسن بھی  خوشی سے نہال ہیں ۔ برطانوی وزیراعظم نے ٹوئٹر پر  فٹ بال ٹیم کو پیغام میں کہاکہ اب فائنل، کپ گھر لانا ہے،  ہم آپکے پیچھے ہیں۔بورس جانسن نے فٹبال کٹ پہنے تصویر بھی جاری کردی۔

We're behind you @England! ??????? pic.twitter.com/MQSUvoexkb

— Boris Johnson (@BorisJohnson) July 7, 2021

یورو کپ کا فائنل اتوار کو انگلینڈ اور اٹلی کے درمیان ویمبلے اسٹیڈیم میں ہوگا۔