پاکستان میں پہلی ماحول دوست الیکٹرک موٹر بائیک متعارف

اس ای موٹر بائیک کو پاکستان کی ایک کمپنی JOLTA ELECTRIC نے تیار کیا ہے۔ یہ ملک کی گاڑیوں کی صنعت کو بجلی پر منتقل کرنے کی طرف ایک اہم قدم ہے۔ای موٹر بائیک سکوٹی اور سپورٹس بائیک سمیت مختلف ماڈلز میں دستیاب ہے جو کم خرچ ہے جس کی مرمت کی بھی زیادہ ضرورت نہیں ہوگی۔

اس ای بائیک کی خاصیت یہ ہے کہ اس سے  توانائی کی بچت ہو گی اور رات بھر چارج ہو سکے گی جبکہ اس کی خاص بات یہ ہے کہ اس  میں نہ تو کلچ اور نہ ہی گیئر ہے۔ان جولٹا ای بائیکس کی رفتار 10 سے 60 کلو میٹر فی گھنٹہ تک ہو گی، یہ بائیک ایک دفعہ بار چارج کیے جانے کے بعد 60 سے 100 کلو میٹر تک فاصلہ طے کرنے کی صلاحیت کی حامل ہو گی۔ان ای بائیکس میں موٹرائز انجن دیئے گئے ہیں جن میں پسٹن یا فیول کا اخراج نہیں ہوتا۔

ای موٹر بائیک کا افتتاح موجودہ حکومت کی پانچ سالہ پاکستان الیکٹرک وہیکلز پالیسی 2020-2025ء کا حصہ ہے جس کی گزشتہ سال منظوری دی گئی تھی۔ اس پالیسی کا ہدف 2030ء میں مسافر گاڑیوں اور بھاری گاڑیوں میں الیکٹرک مارکیٹ کا حصہ تیس فیصد اور 2040ء میں نوے فیصد حاصل کرنا ہے۔