’پاکستانیوں کو نکال رہے ہیں تو عدنان سمیع کا کیا ہوگا؟‘فواد چوہدری کے سوال پر گلوکار کو مرچیں لگ گئیں

پہلگام فالس فلیگ حملے کے بعد بھارت کی جانب سے پاکستانی شہریوں کو ملک چھوڑنے کا حکم جاری کیا گیا تو سوشل میڈیا پر ایک نئی بحث نے جنم لیا۔ 
سابق وفاقی وزیر فواد چوہدری نے بھارتی وزیر داخلہ امیت شاہ کی مذکورہ ہدایت پر سوال اٹھاتے ہوئے طنزیہ طور پرسابق پاکستانی گلوکار عدنان سمیع کی بھارتی شہریت کو نشانہ بناتے ہوئے سوال کیا کہ اگر بھارت سے تمام پاکستانیوں کو نکال رہے ہیں ، ”تو عدنان سمیع کا کیا ہوگا؟“

فواد چوہدری کے اس سوال نے عدنان سمیع کو مرچیں لگا دیں، جس پرعدنان سمیع، جو کئی سالوں سے بھارتی شہریت کے مزے لوٹ رہے ہیں، نے فواد چوہدری کو ”جاہل احمق“ کہہ کر بدتمیزی کی انتہا کر دی۔
ایک ایسا شخص جو کبھی پاکستان کے گیت گاتا تھا، آج اسی ملک کے خلاف زہر اگل رہا ہے جہاں سے اس کی پہچان بنی۔
گلوکار عدنان سمیع نے خود تسلیم کیا ہے کہ وہ 18 سال تک بھارتی شہریت کے لیے ترستا رہے، اور ایک سال سے زائد ”بے ریاست“ رہے۔

انہوں نے الزام عائد کرتے ہوئے یہ بھی کہا کہ پاکستان میں انہیں خطرہ محسوس ہوتا تھا، اگران کو واقعی ایسا تھا تو وہ اسٹیج، موسیقی، شہرت، اور عزت پاکستان میں کیسے حاصل کرتا رہے؟
مگر حقیقت تو یہ ہے کہ عدنان سمیع نے اپنے ذاتی مفادات کے لیے وطن سے بےوفائی کی، اور آج وہ اسی بھارت کا نمک کھا رہے ہیں جو ہر دن پاکستان کو دھمکیاں دیتا ہے۔