پی ایس ایل : اسلام آباد یونائیٹڈ کا پشاور زلمی کو 144 رنز کا ہدف

لاہور: پاکستان سپر لیگ(پی ایس ایل) کے 22 ویں میچ  میں اسلام آباد یونائیٹڈ نے  پشاور زلمی کو جیت کیلئے 144 رنز کا ہدف دے دیا۔

 اسلام آباد نے پہلے بیٹنگ کرتے ہوئے  مقررہ 20 اوورز میں 8 وکٹوں کے نقصان پر 143 رنز بنائے۔

اسلام آباد کی جانب سے صاحبزادہ فرحان 36 رنز کیساتھ نمایاں رہے،جبکہ کائل مائرز 18، کولن منرو11، سلمان علی آغا 4، کپتان شاداب خان 15 رنز بناکر آؤٹ ہوئے۔

اسی طرح اعظم خان 8، عماد وسیم 10، سعد مسعود اور نسیم شاہ ایک ایک رن بناکر چلتے بنے جبکہ بین ڈوارشوئس 33 رنز بناکر ناٹ آؤٹ رہے۔

جبکہ پشاور زلمی کی جانب سے محمد علی نے 3 جبکہ لیوک ووڈ، الزاری جوزف، احمد دانیال، صائم ایوب اور حسین طلعت نے ایک ایک وکت حاصل کی۔

اس سے قبل ااسلام آباد یونائیٹڈ کے کپتان شاداب خان نے پشاور زلمی کیخلاف ٹاس جیت کر پہلے بیٹنگ کو ترجیح دی ہے۔ 
آج کے ،میچ میں پشاور زلمی نے اسکواڈ میں چار تبدیلیاں کی ہیں، ٹام کوہلرکیڈمور،عبدالصمد،علی رضا،سفیاں مقیم ٹیم سے باہر جب کہ معاذ صداقت،میکس برائنٹ،احمد دانیال اور محمد علی کو ٹیم میں شامل کیا گیا ہے۔
دوسری جانب اسلام آباد یونائیٹڈ کی ٹیم میں بھی چار تبدیلیاں کی گئی ہیں، اینڈریو غوث،حیدر علی،جیسن ہولڈر،حنین شاہ ٹیم سے باہر جب کہ کائل مئیرز،کولن منرو،سعد مسعود، رائلی میریڈیتھ ٹیم کا حصہ ہیں۔
بابراعظم ایچ بی ایل پی ایس ایل کی تاریخ میں سب سے زیادہ رنز بنانے والے بیٹر ہیں۔ پشاور زلمی کا اس پی ایس ایل میں لاہور میں آخری لیگ میچ ہے۔