اداکارہ نادیہ حسین نے خواتین کو خوبصورتی کا راز بتا دیا

تفصیلات کے مطابق اداکارہ نادیہ حسین کا کہنا ہے کہ میں ایکسر سائز بلکل نہیں چھوڑتی اور خوراک کا بھی بہت خیال رکھتی ہوں لیکن جب مجھے وزن کم کرنا ہو تب میں غذا کا کچھ حصہ کم کردیتی ہوں ۔

اداکارہ کا اپنی جلد کی خوبصورتی کے بارے میں کہنا ہے کہ میں سکن کیئرروٹین کا بہت خیال رکھتی ہوں یہاں تک کہ اپنی کلائنٹس کو بھی مشورہ دیتی ہوں جس طرح گاڑی کو ہر روز صاف کیا جاتا ہے چند دن بعد اس کی سروس کروائی جاتی ہے تاکہ گاڑی صاف رہے ، اسی طرح جلد کی دیکھ بال بھی ضروری ہے ۔

اگر آپ گاڑی کی سروس نہیں کروائیں گے تو وہ دیر پا نہیں چلے گی ، ایسے ہی ہماری جلد کا معاملہ ہے ۔

نادیہ حسین نے خواتین کو مخاطب کرتے ہوئے کہا کہ ہوم کیئر بہت ضروری ہے اگر آپ پارلر بھی جائیں لیکن گھر میں جلد کا لازمی خیال رکھیں ،جلد کی دیکھ بال اور وزن کو کم رکھنا آپ کی روٹین کا حصہ ہونا چاہیے ۔ اگر آپ اپنا خیال نہیں رکھیں گی تو چاہیے آپ کتنی ہی خوبصورت ہوں لیکن آپ کی خوبصورتی نظر نہیں آئے گی ۔