وزیراعلیٰ پنجاب کا بارشوں کے باعث واسا اور انتظامیہ کو الرٹ رہنے کا حکم

تفصیلات کے مطابق    لاہور سمیت پنجاب کے مختلف شہروں میں  مون سون کی بارش    سے گرمی کے ستائے عوام نے سکھ کا سانس لیا ۔ وزیراعلیٰ پنجاب  سردار عثمان بزدار نے ہدایت کی ہے کہ  نشیبی علاقوں میں بارش کے پانی کی جلد نکاسی کو یقینی بنایاجائے ۔ وزیراعلیٰ نے واسا حکام اور انتظامیہ کونکاسی آب کیلئےتمام وسائل بروئے کار لانےکی ہدایت کرتے ہوئے کہا کہ نکاسی آب کے کام کو بارش کے دوران اور بارش کے بعد بھی جاری رکھا جائے، ضروری مشینری کے ذریعے نکاسی آب کو کم سے کم وقت میں یقینی بنایا جائے۔نکاسی آب کیلئےوضع کردہ پلان پر عملدرآمدیقینی بنایا جائے۔

وزیراعلی ٰ  پنجاب نے کہاکہ بارشی پانی کےجلدنکاس میں غفلت برداشت نہیں کروں گا، ٹریفک رواں دواں رکھنے کے لئے بھی خصوصی انتظامات کئے جائیں جبکہ واساانتظامیہ اور ٹریفک پولیس کے حکام فیلڈ میں موجود رہیں۔عثمان بزدار نے مزید کہاکہ شہریوں کو مشکل کا سامنا نہیں ہوناچاہئیے ،  ہر علاقے میں بارش اور نکاسی آب کے انتظامات کا خود جائزہ لے رہا ہوں۔

دوسری جانب محکمہ موسمیات  نے پیر سے جمعرات تک بارشوں کا امکان ظاہر کردیا  جس کے بعد واسا لاہور کےعملے کو الرٹ جاری  کردیا گیا ۔ ایم ڈی واسا  کامختلف ڈسپوزل اسٹیشنز کا دورہ ،نکاسی آب کے انتظامات کا جائزہ  لیا ۔ ایم ڈی واسا کاکہنا ہے کہ بارش ہونے کی صورت میں عملہ فیلڈ میں متحرک رہے، ہیوی مشینری اورڈی واٹرنگ سیٹ کومخصوص جگہوں پر نصب کر دیا گیا ہے ۔