ریلوے پولیس لاہور نے بڑی مقدار میں مضر صحت چھالیہ برآمد کر لی ،ملزم گرفتار

تفصیلات کے مطابق ملزمان کے خلاف تھانہ ریلوے پولیس لاہور میں مقدمہ نمبر 128/21 درج کر لیا گیا ہے ، ملزمان 50 کلوگرام چھالیہ 3 پلاسٹک کے توڑوں میں پیک کر کے پارسل آفس ریلوے لاہور لائے تھے ڈیوٹی پر مامور ریلوے پولیس اہلکاروں نے ملزمان کو مشکوک جانتے ہوئے پلاسٹک توڑوں سے 50 کلوگرام چھالیہ برآمد کر لی ہے ۔

پولیس حکام کے مطابق ملزمان کو گرفتار کرنے کے بعد مزید تفتیش جاری ہے ۔

ایس پی ریلوے لاہور ملک محمد عتیق نے موثر کاروائی کرنے پر  ریلوے پولیس اہلکاروں کو سراہا ہے ،اور ان کا کہنا ہے کہ ریلوے کی حدود میں جرائم پیشہ عناصر پر کڑی نظر رکھے ہوئے ہیں۔