چینی سائنسدانوں کا بڑا کارنامہ،مچھر کے سائز جتنا ڈروں تیار کر لیا

بیجنگ : چینی سائنسدانوں نےنیا کارنامہ کر کے دنیا کو حیران کر دیا،چین نے حال ہی میں مچھر جتنا چھوٹا ڈرون تیار کیا ہے جسے فوجی مقاصد کے لیے بھی استعمال کیا جاسکتا ہے۔

غیر ملکی میڈیا کے ایجنسی کےمطابق چین کی نیشنل یونیورسٹی آف ڈیفنس ٹیکنالوجی (این ڈی یو ٹی) کی ایک روبوٹیکس لیبارٹری نے یہ ڈرون روبوٹ تیار کیا، جس کی خصوصی رپورٹ چائنا سینٹرل ٹیلی ویژن (سی سی ٹی وی)  نشر کی گئی۔

این ڈی یو ٹی کے ایک محقق لیانگ ہیکسیانگ نے رپورٹ کے دوران اس ڈرون کو دکھایا۔

انہوں نے مزید کہا کہ لیانگ ہیکسیانگ نے کہا کہ 'میرے ہاتھ میں مچھر جتنا بڑا ایک روبوٹ ڈرون موجود ہے، اس طرح کے چھوٹے روبوٹس کو انفارمیشن جمع کرنے اور جنگی میدانوں میں خصوصی مشنز کے لیے استعمال کیا جاسکے گا۔

چین کے تیار کر دہ اس ڈرون کے 2 ننھے پر ہیں جو کسی پتے جیسے نظر آتے ہیں جبکہ ٹانگیں بہت زیادہ پتلی ہیں۔

میڈیا رپورٹ کے مطابق یہ پروٹوٹائپ ڈرون اسمارٹ فون کے لیے ذریعے کنٹرول کیا جاسکتا ہے،اس طرح کے ڈورنز کی تیاری میں سنسرز، پاور ڈیوائسز، کنٹرول سرکٹس اور دیگر پرزہ جات کو فٹ کرنا چیلنج ہوتا ہے۔

اس کے علاوہ ان ننھے ڈرونز کو فوجی مقاصد اور اپنے اردگرد کے ماحول کی جانچ پڑتال کے لیے استعمال کرسکتے ہیں، جبکہ اس سے ہٹ کر انہیں طبی مقاصد کے لیے بھی استعمال کیا جاسکتا ہے۔