احترام محرم الحرام کے تحت لاہور سمیت پنجاب کے بھر کے تھیٹرز تیرہ محرم تک بند

لاہور:لاہور سمیت پنجاب بھر کے تھیٹرز محرم الحرام میں بند رہیں گے، اس سلسلے میں باقاعدہ نوٹیفکیشن بھی جاری کر دیا گیا ہے۔

پنجاب کونسل آف دی آرٹس نے باقاعدہ نوٹیفکیشن جاری کر دیا جس میں کہا گیا ہے کہ یکم محرم الحرام سے تیرہ محرم الحرام تک لاہور سمیت پنجاب بھر کے تھیٹر ہالز بند رہیں گے۔ 

کسی بھی تھیٹر میں تیرہ محرم تک کوئی ڈرامہ یا میوزیکل پروگرام نہیں ہو گا،محرم الحرام کی آمد کے پیش نظر تھٰٹرز میں ڈرامے روک دئیے گئے یکم تا تیرہ محرم الحرام لاہور سمیت پنجاب بھر کے تھیٹرز میں ڈرامے نہیں ہوں گے۔ 

اس سلسلے میں حکومت پنجاب کی جانب سے جاری کردہ ایس او پیز احکامات پر عمل کیا جا رہا ہے تمام تر تھیٹرز کے باہر بینرز اور احکامات کی روشنی میں ہدایت نامے آویزاں کر دئیے گئے ہیں۔ اس حوالے سے خلاف ورزی پر سخت ایکشن لیا جائے گا۔

دوسری جانب یکم تا تیرہ محرم الحرام فنکاروں کے گھروں میں بھی مجالس و جلوس عزاداری کا سلسلہ جاری ہے۔ فنکار برادری کی جانب سے بھی کربلا کے جانثاروں کو خراج عقیدت پیش کیا جا رہا ہے۔