شمالی وزیرستان،سیکیورٹی فورسز پر حملے میں 14 خوارج ہلاک

بھارت کی سرپرستی میں کام کرنے والے خارجی دہشتگردوں کی جانب سے میر علی میں سیکیورٹی فورسز کے قافلے پر کیے گئے خودکش حملے میں 13 سیکیورٹی اہلکار شہید ہوگئے، جب کہ پاک فوج کی جوابی کارروائی میں 14 دہشتگردوں کو ہلاک کر دیا گیا۔

آئی ایس پی آر کے مطابق خودکش حملہ آور نے بارود سے بھری گاڑی فورسز کے قافلے کے سامنے دھماکے سے اڑا دی۔ تاہم قافلے کے لیڈنگ گروپ نے فوری ردعمل دے کر دشمن کے مذموم عزائم کو بڑی حد تک ناکام بنایا۔

ترجمان کے مطابق حملے کے نتیجے میں 13 سیکیورٹی اہلکار شہید ہوئے، جب کہ 3 عام شہری زخمی ہوئے جن میں دو بچے اور ایک خاتون شامل ہیں۔