لاہور سمیت پنجاب کے مختلف شہروں میں زلزلے کے جھٹکے

پنجاب کے مختلف شہروں میں منگل کی صبح زلزلے کے شدید جھٹکے محسوس کیے گئے۔

تفصیلات کے مطابق پنجاب کے دارالحکومت لاہور سمیت قصور، اوکاڑہ، شیخوپورہ میں زلزلے کے جھٹکے محسوس کیے گئے۔

زلزلے سے عمارتیں لرز گئیں، لوگ کلمہ طیبہ کا ورد کرتے ہوئے گھروں سے باہر نکل آئے۔

زلزلے کی شدت 4.4 ریکارڈ کی گئی، زلزلے کی گہرائی 14 کلومیٹر اور مرکز جنوب مغرب لاہور تھا۔

یاد رہے کہ حالیہ چند ہفتوں میں کراچی میں زلزلے کے جھٹکے تواتر کے ساتھ محسوس کیے گئے ہیں، اس کے علاوہ خیبرپختونخوا، بلوچستان میں بھی وقفے وقفے کے ساتھ زلزلے کے جھٹکے محسوس کیے جاتے رہے ہیں۔

پنجاب میں زلزلوں کے جھٹکے نسبتاً کم محسوس کیے گئے، تاہم زلزلوں کے جھٹکے کا تازہ سلسلہ صوبے کے کئی شہروں تک پہنچا ہے۔