یہ حملہ ایران کی میزائل ٹیکنالوجی کی مہارت کا مظہر ہے، جس میں انہوں نے انتہائی درستگی سے اہم امریکی فوجی انفرااسٹرکچر کو نشانہ بنایا،سیکیورٹی ماہرین


واشنگٹن: امریکی دفاعی محکمے پینٹاگون نے بالآخر قطر میں واقع العدید ائیر بیس پر ایرانی بیلسٹک میزائل حملے کی تصدیق کردی ہے۔
پینٹاگون کی جانب سے حملے سے پہلے اور بعد کی جاری کردہ سیٹلائٹ تصاویر میں اڈے کے مواصلاتی ڈوم کو پہنچنے والی شدید تباہی واضح طور پر دیکھی جاسکتی ہے۔
حالیہ اسرائیل جنگ کے دوران ایران پر امریکی بمباری کے بعد ایران اور امریکہ کے درمیان کشیدگی میں اضافہ ہوا تھا جس کہ ایران نے جوابی کارروائی کرتے ہوئے قطر میں موجود امریکی فوجی اڈے العدید کو بیلسٹک میزائل سے نشانہ بنایا تھا،جس میں امریکا کے مواصلاتی نظام کے اہم حصے کو نشانہ بنایا گیا۔

پینٹاگون کے ترجمان نے بتایا کہ ایرانی میزائل نے خاص طور پر مواصلات کو محفوظ بنانے والے ڈوم کو تباہ کیا، جو امریکی فوجی آپریشنز کے لیے انتہائی اہم تھا۔
سیٹلائٹ تصاویر میں دیکھا جا سکتا ہے کہ ایرانی حملے سے قبل ڈوم عمارت مکمل طور پر صحیح سلامت تھی، جبکہ حملے کے بعد اس کی چھت مکمل طور پر تباہ ہو چکی ہے اور اندرونی ڈھانچہ شدید متاثر ہوا ہے۔
سیٹیلائٹ تصاویز میں نظر آنے والا یہ گنبد نما ڈھانچہ، جسے 2016 میں نصب کیا گیا تھا، جدید سیٹلائٹ رابطہ نظام کا حصہ تھا اور اس پر 1.5 کروڑ ڈالر کی لاگت آئی تھی۔ اگرچہ دیگر عمارتوں کو معمولی نقصان پہنچا، تاہم مذکورہ ڈوم مکمل طور پر تباہ ہو گیا۔

خیال رہے کہ العدید بیس، جو دارالحکومت دوحہ کے قریب واقع ہے، امریکی سینٹرل کمانڈ (CENTCOM) کا فارورڈ ہیڈکوارٹر ہے اور مشرقِ وسطیٰ میں امریکی فوجی سرگرمیوں کا اہم مرکز تصور ہوتا ہے۔
ترجمان پینٹاگون تصدیق کی کہ میزائل واقعی ”ریڈوم“ (radome) سے ٹکرایا، تاہم ان کا کہنا تھا کہ نقصان محدود نوعیت کا تھا اور اڈے کی تمام آپریشنل سرگرمیاں معمول کے مطابق جاری ہیں۔ ان کے مطابق، ’العدید ایئربیس مکمل طور پر فعال ہے۔‘
سیکیورٹی ماہرین کے مطابق یہ حملہ ایران کی میزائل ٹیکنالوجی کی مہارت کا مظہر ہے، جس میں انہوں نے انتہائی درستگی سے اہم امریکی فوجی انفرااسٹرکچر کو نشانہ بنایا۔

دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار
- 2 دن قبل

الزامات کی بجائے خطے کے مسائل کوحل کرنے کی ضرورت ہے، مصدق ملک کی نئی دہلی میں میڈیا سے گفتگو
- ایک دن قبل

متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز زیر بحث
- 2 دن قبل

فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ
- 2 دن قبل

پاکستان اور انڈونیشیا کی مشترکہ فوجی مشق ایلانگ اسٹرائیک تھری پبی میں اختتام پذیر
- ایک دن قبل

نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ
- 2 دن قبل

شعیب ایوب بٹالوی کی موٹیویشنل تقریر نے حاضرین کے دل جیت لیے
- 2 دن قبل

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 14 دن قبل

پی سی بی سینٹرل کنٹریکٹس کا اعلان کر دیا گیا، رضوان، امام، صائم اور شان مسعود جگہ بنا نے میں ناکام
- ایک دن قبل

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 14 دن قبل

پاکستان میں فی تولہ سونا ہزاروں روپے سستا ہوگیا
- ایک دن قبل

پیٹرول اور ڈیزل کی نئی قیمتوں کا اعلان
- 2 دن قبل







