معروف ہالی ووڈکامیڈین ساشا بیرن کوہن کا جسمانی تبدیلی کیلئے دوا کے استعمال کا اعتراف

ہالی ووڈ کے معروف اداکار اور کامیڈین ساشا بیرن کوہن نے اپنی حالیہ جسمانی تبدیلی (باڈی ٹرانسفارمیشن) کے حوالے سے اعتراف کیا ہے کہ انہوں نے اس عمل میں ذیابیطس کی دوا "اوزیمپک" کا استعمال کیا۔

ساشا بیرن کوہن نے مارول کی سیریز آئرن ہارٹ میں مشہور ولن "میفسٹو" کا کردار ادا کرتے ہوئے مارول سنیما یونیورس (MCU) میں قدم رکھ دیا ہے۔ سیریز کے سیزن فائنل میں ان کا کردار خاص طور پر نمایاں رہا، جب کہ ان کی فزیکل ٹرانسفارمیشن نے بھی مداحوں کی توجہ حاصل کی۔

برطانوی میگزین کے کور پر شائع ہونے والی تصویر میں ساشا کو غیر معمولی طور پر فٹ اور بدلے ہوئے انداز میں دیکھا جا سکتا ہے۔ انسٹاگرام پر شیئر کی گئی پوسٹس میں ساشا نے واضح کیا کہ یہ تصاویر مصنوعی ذہانت (AI) سے تیار کردہ نہیں بلکہ ان کی اصل محنت اور عزم کا نتیجہ ہیں۔

اوزیمپک کا استعمال اور دیگر معاونت

اداکار نے بتایا کہ انہیں ٹائپ 2 ذیابیطس لاحق ہے، جس کی بنیاد پر معالجین نے انہیں "اوزیمپک" تجویز کی — ایک ایسی دوا جو نہ صرف ذیابیطس میں مدد دیتی ہے بلکہ وزن کم کرنے میں بھی مؤثر سمجھی جاتی ہے۔

ساشا بیرن کوہن نے مزید کہا کہ انہوں نے صرف دوا پر انحصار نہیں کیا، بلکہ اپنی باڈی ٹرانسفارمیشن کے لیے ایک پرسنل ٹرینر اور پرائیویٹ شیف کی خدمات بھی حاصل کیں تاکہ ورزش اور متوازن غذا کا باقاعدہ شیڈول بنایا جا سکے۔

کامیڈی سے سپرہیرو دنیا تک

یاد رہے کہ ساشا بیرن کوہن کو بین الاقوامی شہرت ان کی کامیڈی فلم دی ڈکٹیٹر میں ادا کیے گئے مرکزی مزاحیہ کردار سے ملی۔ اب وہ ایک سنجیدہ اور ڈرامائی کردار کے ذریعے مارول یونیورس کا حصہ بن چکے ہیں، جو ان کے کیریئر میں ایک نیا اور دلچسپ موڑ ثابت ہو رہا ہے۔