پی ایس ایل کے دس سالہ سفر،کرکٹ بورڈ کا دستاویزی فلم بنانے کا فیصلہ

لاہور: پاکستان کرکٹ بورڈ (پی  سی  بی) نے پاکستان سپر لیگ ( پی  ایس  ایل) کے 10 سال مکمل ہونے پر ایک جامع دستاویزی فلم تیار کرنے کا فیصلہ کیا ہے۔

 تفصیلات کے مطابق یہ دستاویزی فلم 2016 سے 2025 تک پی ایس ایل کے سفر کی عکاسی کرے گی، جس میں ا س لیگ کے مختلف مراحل اور کامیابیوں کو اجاگر کیا جائے گا۔

 ذرائع کے مطابق فلم میں لیگ کے ابتدائی دنوں میں دبئی سے آغاز ، پھر اسے پاکستان منتقل کرنے کے فیصلے اور غیر ملکی کھلاڑیوں کو پاکستان لانے جیسے اہم چیلنجز شامل ہوں گے، اس کے ساتھ کورونا وبا کے دوران پی ایس ایل کو در پیش مسائل اور حالات میں مقابلوں کے انعقاد پر بھی روشنی ڈالی جائے گی۔

فلم میں یہ بھی دکھایا جائے گا کہ کس طرح پی ایس ایل نے عالمی کرکٹ میں اپنی شناخت بنائی اور دنیا کی بڑی ٹی ٹونٹی لیگز میں ٹاپ مقام حاصل کیا۔