Advertisement
پاکستان

وزیراعظم شہباز شریف چین کے 6 روزہ دورے پر پہنچ گئے، شنگھائی تعاون تنظیم اجلاس میں شرکت کریں گے

وزیراعظم شہباز شریف شنگھائی تعاون تنظیم کے سربراہی اجلاس میں شرکت کے دوران تنظیم کے رکن ممالک کے سربراہانِ مملکت و حکومت سے خطاب کریں گے

GNN Web Desk
شائع شدہ a day ago پر Aug 30th 2025, 7:09 pm
ویب ڈیسک کے ذریعے
وزیراعظم شہباز شریف چین کے 6 روزہ دورے پر پہنچ گئے، شنگھائی تعاون تنظیم اجلاس میں شرکت کریں گے

 

وزیراعظم پاکستان شہباز شریف 25ویں شنگھائی تعاون تنظیم (ایس سی او) سربراہی اجلاس میں شرکت کے لیے چین کے 6 روزہ دورے پر پہنچ گئے ہیں۔ ان کے ہمراہ نائب وزیراعظم اسحٰق ڈار، وزیر اطلاعات عطااللہ تارڑ اور مشیر طارق فاطمی بھی موجود تھے، جہاں ان کا چین پہنچنے پر شاندار استقبال کیا گیا۔

وزیراعظم شہباز شریف شنگھائی تعاون تنظیم کے سربراہی اجلاس میں شرکت کے دوران تنظیم کے رکن ممالک کے سربراہانِ مملکت و حکومت سے خطاب کریں گے، جس میں پاکستان، بیلاروس، چین، بھارت، ایران، قازقستان، کرغزستان، روس، تاجکستان اور ازبکستان کے رہنما شامل ہوں گے۔

اس اجلاس میں وزیراعظم شہباز شریف پاکستان کے مؤقف کو علاقائی اور عالمی مسائل کے حوالے سے پیش کریں گے۔ اس کے علاوہ، وہ ایس سی او کے سی ایچ ایس پلس اجلاس میں بھی شرکت کریں گے، جس میں پاکستان کی کثیرالجہتی تعاون، علاقائی سلامتی اور پائیدار ترقی کی کوششوں کی تجدید کی جائے گی۔

وزیراعظم شہباز شریف بیجنگ میں دوسری جنگ عظیم کی فتح کی 80ویں سالگرہ کی تقریب میں بھی شرکت کریں گے اور چین کے صدر شی جن پنگ سمیت عالمی رہنماؤں سے ملاقات کریں گے۔ اس دوران دونوں ممالک کے درمیان موسمی اسٹریٹجک تعاون پر بات چیت کی جائے گی اور دونوں ممالک کی شراکت داری کو مزید مستحکم بنانے پر زور دیا جائے گا۔

اپنے دورے کے دوران وزیراعظم شہباز شریف چین کے صدر اور وزیرِاعظم سے ملاقات کریں گے، جس میں پاک-چین تعلقات کے کثیر الجہتی پہلوؤں پر تبادلہ خیال کیا جائے گا۔ اس کے علاوہ، وزیراعظم چینی تاجروں اور کاروباری رہنماؤں سے ملاقات کریں گے اور دونوں ممالک کے درمیان تجارتی، معاشی اور سرمایہ کاری کے تعاون پر بات کریں گے۔

وزیرِاعظم نے سماجی رابطے کے پلیٹ فارم 'ایکس' پر اپنے دورے کے دوران شنگھائی تعاون تنظیم کے سربراہی اجلاس میں شرکت کرنے کا عندیہ دیتے ہوئے کہا کہ "چین کے تاریخی دورے کے دوران شنگھائی تعاون تنظیم کے سربراہان مملکت کے اجلاس میں شرکت کروں گا۔"

یاد رہے کہ دفتر خارجہ نے گزشتہ روز وزیرِاعظم شہباز شریف کے چین کے دورے کی تفصیلات فراہم کی تھیں، جس کے مطابق وہ 30 اگست سے 4 ستمبر تک چین میں قیام کریں گے، اور اس دوران سی پیک فیز-ٹو کی پیشرفت پر بھی بات کی جائے گی۔

Advertisement
کراچی:سی ٹی ڈی اور حساس اداروں کی مشترکہ کارروائی، فتنہ الخوارج اور القاعدہ کے 5 دہشتگرد گرفتار

کراچی:سی ٹی ڈی اور حساس اداروں کی مشترکہ کارروائی، فتنہ الخوارج اور القاعدہ کے 5 دہشتگرد گرفتار

  • 3 گھنٹے قبل
ملک بھر میں مزید بارشوں کی پیشگوئی، دریاؤں اور ندی نالوں میں طغیانی کا خدشہ

ملک بھر میں مزید بارشوں کی پیشگوئی، دریاؤں اور ندی نالوں میں طغیانی کا خدشہ

  • 4 گھنٹے قبل
عارف والا میں باراتیوں کی کشتی سیلابی ریلے میں پھنس گئی

عارف والا میں باراتیوں کی کشتی سیلابی ریلے میں پھنس گئی

  • 4 گھنٹے قبل
گوگل کا جی میل صارفین کے لیے الرٹ،کروڑوں ا کاونٹ خطرے میں 

گوگل کا جی میل صارفین کے لیے الرٹ،کروڑوں ا کاونٹ خطرے میں 

  • 15 منٹ قبل
مصر: مسافر ٹرین کو خوفناک حادثہ ،3 افراد جاں بحق ،درجنوں زخمی 

مصر: مسافر ٹرین کو خوفناک حادثہ ،3 افراد جاں بحق ،درجنوں زخمی 

  • 4 گھنٹے قبل
بھارت آبی جارحیت سےباز نہ آیا،بغیر اطلاع کے 3 جگہوں سے پانی چھوڑدیا، صورتحال مزیدخراب ہونے کا خدشہ

بھارت آبی جارحیت سےباز نہ آیا،بغیر اطلاع کے 3 جگہوں سے پانی چھوڑدیا، صورتحال مزیدخراب ہونے کا خدشہ

  • 2 گھنٹے قبل
اسرائیلی  فوج کی بمباری سے القسام بریگیڈ کے سربراہ ابو عبیدہ شہید،حماس اور اہلخانہ کی تصدیق

اسرائیلی  فوج کی بمباری سے القسام بریگیڈ کے سربراہ ابو عبیدہ شہید،حماس اور اہلخانہ کی تصدیق

  • 2 گھنٹے قبل
شدید سیلابی ریلے کے باعث ریلوے ٹریک پانی میں بہہ گیا،ٹرینوں کی آمد و رفت معطل

شدید سیلابی ریلے کے باعث ریلوے ٹریک پانی میں بہہ گیا،ٹرینوں کی آمد و رفت معطل

  • 3 گھنٹے قبل
لاہور: دو روزہ کلر اینڈ کیم نمائش کامیابی سے اختتام پذیر،ملکی و غیرملکی کمپنیوں کی شرکت

لاہور: دو روزہ کلر اینڈ کیم نمائش کامیابی سے اختتام پذیر،ملکی و غیرملکی کمپنیوں کی شرکت

  • 4 گھنٹے قبل
وزیر آباد: بروقت طبی امداد نہ ملنے پر سیلاب میں پھنسی خاتون کے 3 نومولود جاں بحق

وزیر آباد: بروقت طبی امداد نہ ملنے پر سیلاب میں پھنسی خاتون کے 3 نومولود جاں بحق

  • 4 گھنٹے قبل
مودی حکومت کو ایک اور جھٹکا، ڈونلڈ ٹرمپ نے بھارت کا دورہ منسوخ کردیا

مودی حکومت کو ایک اور جھٹکا، ڈونلڈ ٹرمپ نے بھارت کا دورہ منسوخ کردیا

  • 4 منٹ قبل
وزیراعظم کی ترک صدررجب طیب  سے ملاقات، اہم علاقائی اور عالمی پیشرفت پر تبادلہ خیال

وزیراعظم کی ترک صدررجب طیب سے ملاقات، اہم علاقائی اور عالمی پیشرفت پر تبادلہ خیال

  • 3 گھنٹے قبل
Advertisement