لاہور:لالی وڈ کے کنگ سلطان راہی کوخراج تحسین پیش کرنے کیلئے ڈرامہ’ پتر مولا جٹ  دا‘  پیش کیا گیا

لاہور: صوبائی دارالحکومت لاہور میں لالی وڈ فلم انڈسٹری کے کنگ سلطان راہی کو خراج تحسین پیش کرنے کے لیے ڈرامہ ’ پتر مولا جٹ دا‘ پیش کیا گیا۔

تفصیلات کے مطابق فن کے سلطان فلم انڈسٹری کی جان سلطان راہی کو خراج تحسین پیش کرنے کیلئے لاہور کے محفل تھیٹر میں ڈرامہ ’پتر مولا جٹ دا‘ پیش کیا گیا، جس میں سلطان راہی کے صاحبزادے  فلمسٹار حیدر سلطان راہی عرصہ بعد  جلوہ گر ہوئے ڈرامے کو عوام کی بڑی تعداد نے دیکھا اور پسند کیا۔

 ڈرامہ ’پتر مولا جٹ دا‘میں جہاں معاشرتی مسائل کو اجاگر کیا گیا وہیں عظیم فنکار سلطان راہی مرحوم کو بھی خراج تحسین پیش کیا گیا۔

سلطان راہی کے صاحبزادے حیدر سلطان راہی  اور دیگر نے جاندار اداکاری سے خوب داد سمیٹی، ڈرامے کو دیکھنے کیلئے عوام کی بڑی تعداد موجود تھی۔

اس مو قع پر سینئر اداکار اور ڈائریکٹر نسیم وکی نے کہا کہ ڈرامے کے ذریعے جہاں سلطان راہی کو خراج تحسین پیش کیا گیا وہیں عوام کو بھرپور تفریح بھی فراہم کی گئی ہے

ڈرامہ پتر مولا جٹ  کی کاسٹ میں اداکار نسیم وکی، حیدر سلطان راہی، مناہل خان، آصف اقبال اور دیگر شامل ہیں۔