فلم ’عاشق رنگ رنگیلے‘ کی آمدنی کا 25فیصد سیلاب زدگان کو دیا جائے گا،پروڈیوسر کا اعلان

لاہور:فلم ’عاشق رنگ رنگیلے‘ کے پروڈیوسر ریاض ملک نے اعلان کیا ہے کہ فلم کی ؤ آمدنی کا 25فیصد سیلاب زدگان کو دیا جائے گا۔

تفصیلات کے مطابق پاکستان میں سیلاب کے باعث فلم ’عاشق رنگ رنگیلے‘ کی نمائش ملتوی کی گئی ہے جبکہ نئی تاریخ کااعلان جلد کیا جائے گا۔ اس بات کا اعلان فلم کے پروڈیوسر ریاض ملک  نے نسیم وکی کے ہمراہ ایک پریس کانفرنس میں کیا۔ 

پریس کانفرنس میں ریاض ملک نے فلم عاشق رنگ رنگیلے کی 25 فیصد آمدنی سیلاب زدگان کی امداد کے لئے وقف کرنے کا اعلان کردیا۔ 

اس موقع پر اداکار نسیم وکی نے کہا کہ فلم مکمل ہوچکی ہے،فلم ریلیز کے لئے تیار تھی لیکن سیلاب کی وجہ سے فلم کو ملتوی کرنا پڑا ہے۔ جلد اس کی ریلیز کی تاریخ کا اعلان کیا جائے گا۔

فلم کی نمایاں کاسٹ میں نسیم وکی،افتخار ٹھاکر، قیصر پیا،ہنی شہزادی،آئمہ خان،عباس اشرف ،حمزہ شفیق ،بشری گلفام ،دعا خان،ریاض ملک، وکی کوڈو،اور امجد رانا شامل ہیں۔