وزیراعظم کی جنوبی وزیرستان میں شہیدفوجی جوانوں کے لواحقین سے اظہارتعزیت

تفصیلات کے مطابق سماجی رابطے کی ویب سائٹ ٹوئٹر پر پیغا م میں  وزیراعظم عمران خان نےجنوبی وزیرستان میں   دہشت گرد حملے میں شہید ہونے والے جوانوں کے اہل خانہ سے  تعزیت کرتے ہوئے    ان کے لیے  دعا کی ۔ وزیراعظم نے اپنے پیغام میں  لکھا کہ   میری تعزیت اور دعائیں جنوبی وزیرستان کے شہر مکین میں دہشت گردوں کے حملے میں شہید ہونے والے چار بہادر فوجیوں کے اہل خانہ کے ساتھ ہیں ،  بہادر فوجیوں کی شہادت پر لواحقین سے اظہار  افسوس کرتا ہوں ۔ 

My condolences and prayers go to the families of our four brave soldiers martyred in Makeen, South Waziristan fighting a terrorist attack.

— Imran Khan (@ImranKhanPTI) February 13, 2021

خیال  رہے کہ گزشتہ روز جنوبی وزیرستان میں سیکورٹی فورسز کی چیک پوسٹ پر دہشت گردوں نے حملہ کیا تھا ، دہشت گردوں کی فورسز پر فائرنگ سے 4 جوان شہید ہوئے، فورسز کی بروت  جوابی کارروائی میں 4 دہشت گرد ہلاک ہو  گئے تھے۔ آئی ایس پی آر کے مطابق شہید ہونے والوں میں لانس نائیک عمران علی، سپاہی عاطف جہانگیر، سپاہی انیس الرحمان اور سپاہی عزیز شامل ہیں۔