جاپانی اندازِشجرکاری آلودگی سے نجات میں مدد دے گی : وزیراعظم

تفصیلات کے مطابق سماجی رابطے کی ویب سائٹ ٹوئٹر  پر وزیراعظم عمران خان نے شہری علاقوں میں شجرکاری  کے حوالے سے پیغام جاری کیا ہے۔ وزیراعظم  کا کہنا تھا کہ میں نےجاپانی اندازِشجرکاری مییاواکی کی طرزپرشہری علاقوں میں شجرکاری کاافتتاح کردیاہے۔ یہ  10 گنا تیز افزائش کیساتھ پودوں کو 30 گنا زیادہ گھناکرتا  ہے اور آلودگی سےنجات میں مدد دیتاہے۔ انہوں نے کہا کہ   لاہور میں 50 مقامات کا انتخاب کیا گیا ہے اور  اس کا پہلا تجربہ 2020 میں لبرٹی چوک لاہور میں کیا گیا تھا۔

I have launched urban forestry on the lines of Miyawaki technique in Japan where the trees grow 10 times faster and 30 times denser and is the best way to fight pollution. 50 sites have been chosen in Lahore. First experiment was in Liberty roundabout in 2020. pic.twitter.com/iOJcYi6sSn

— Imran Khan (@ImranKhanPTI) February 13, 2021

یاد رہے کہ گزشتہ روز دورہ لاہور میں وزیراعظم عمران خان نے جیلانی  پارک میں میواکی جنگل منصوبے کاافتتاح کیا تھا ، ان کا کہنا تھا کہ گزشتہ ادوارمیں لاہورکا 70فیصدگرین بیلٹ ختم کردیاگیا، بدقسمتی سے لاہورمیں اسموگ اورآلودگی کی شرح بہت بلند ہے، اسموگ انسانی زندگیوں کیلئے بہت خطرناک ہے، ملک کے پچاس علاقوں میں نئے جنگلات کی بڑھوتری کو سیٹلائٹ سے مانیٹرکیا جائے گا۔