پاک فضائیہ کے ہاتھوں شکست خوردہ انڈین ائیر چیف کا پاکستان کے طیارے گرانے کا مضحکہ خیز دعویٰ

نئی دہلی: آپریشن سیندور میں پاکستان فضائیہ سے بدترین شکست پانے والا بھارت اب بھی بوکھلاہٹ کا شکار ہے، بھارتی ایئر چیف مارشل اے پی سنگھ نے پاکستان کے 5 ایف 16 اور ایک جے ایف 17 مار گرانے کا مضحکہ خیز دعویٰ کردیا۔

برطانوی خبرایجنسی کے مطابق بھارتی ایئرچیف نے پاکستان کے وہ طیارے بھی مار گرانے کا دعویٰ کیا جو بھارت کے خلاف آپریشن میں اُڑے بھی نہیں۔

بھارتی ایئرچیف نے جنگ کے 150 دن بعد مضحکہ خیز دعویٰ کردیا ۔ شوشہ چھوڑا کہ بھارتی فضائیہ نے پاکستان کے جے ایف سیونٹین  اور ایف سولہ طیارے تباہ کئے تاہم بھارت کےنقصان سے متعلق سوال پر چپ لگ گئی،اور کہا کہ جواب میں کچھ نہیں بولوں گا، بھارتی طیارے گرے ہیں تو تصاویر دکھائی جائیں۔

خیال  رہے کہ بھارتی طیاروں رافیل اور مگ 29 کے ملبوں کی تصاویر ساری دنیا میں وائرل ہوچکی ہیں پھر بھی مودی سرکاری حقیقت تسلیم کرنے سے انکار کرتی رہی ہے۔

واضح رہے کہ پاکستانی ایئر فورسز نے چھ زیرو کا اسکور گن گن کر بتا دیے تھے۔ امریکی صدر ڈونلڈ ٹرمپ بھی کئی بار کہہ چکے ہیں کہ بھارت کے 7 طیارے مار گرائے گئے۔