غزہ امن سمٹ اور ٹرمپ کی مصر موجودگی کے دوران قاہرہ میں پراسرار دھماکہ،تحقیقات شروع

قاہرہ: غزہ امن مذاکرات اور امریکی صدر کی موجودگی کے دوران مصر کے دارالحکومت قاہرہ میں جاچانک زوردار دھماکے کی آواز سنی گئی جس سے شہر میں خوف و ہراس پھیل گیا۔

غیر ملکی میڈیا کے مطابق دھماکہ اتنا شدید تھا کہ کئی کلومیٹر دورتک عمارتوں اوردکانوں کے شیشے ٹوٹ گئے جبکہ لوگوں میں بھگدڑمچ گئی۔

رپورٹس کے مطابق ابتدائی طور پردھماکے کی نوعیت معلوم نہیں ہو سکی، تاہم مصری حکام نے جائے وقوعہ کو گھیرے میں لے کر تحقیقات شروع کردی ہیں۔

مقامی میڈیا کے مطابق دھماکہ قاہرہ کے مشرقی علاقے میں ہوا، جہاں ریسکیو ٹیمیں اور بم ڈسپوزل اسکواڈ فوری طور پرپہنچ گئے، تاحال کسی جانی نقصان یا دھماکے کی وجوہات سے متعلق کوئی سرکاری بیان جاری نہیں کیا گیا۔

مصری حکام نے شہریوں سے اپیل کی ہے کہ افواہوں پر کان نہ دھریں اور سرکاری اعلانات کا انتظار کریں۔

 دوسری جانب غزہ امن سمٹ میں شرکت کے لیے امریکی صدر ڈونلڈ ٹرمپ شرم الشیخ پہنچ گئے۔

غزہ سمٹ میں 28 ممالک اور 3 بین الاقوامی ادارے بھی شرکت کر رہے ہیں،غزہ سمٹ میں اسرائیل اور حماس نمائندگی نہیں کریں گے،امریکا،کینڈا، مصر ، بحرین ، عراق ، اردن ، کویت عمان کے رہنما بھی شریک ہیں۔ 
 فلسطین ، ترکیہ ، یو اے ای ، سائپرس ، فرانس ، جرمنی یونان ہنگری ، اٹلی ، ناروے ، نیدر لینڈز ، سپین ، برطانیہ،آرمینیا ، آذربائیجان ، انڈونیشیا ، جاپان کے نمائندے اجلاس میں شریک ہیں۔

پاکستان کی جانب سے وزیراعظم شہباز شریف شریک ہیں،اس کے علاوہ ، یورپی کونسل ، عرب لیگ ، اقوام متحدہ کے نمائندے بھی اجلاس کا حصہ ہے۔