ڈی آئی جی انویسٹی گیشن آفس لاہور میں کھلی کچہری کا انقعاد

ڈی آئی جی انویسٹی گیشن آفس لاہور میں کھلی کچہری کا انقعاد کیا گیا۔

ڈی آئی جی انویسٹیگیشن سید ذیشان رضا نے سائلین کی شکایات کو تفصیلاً سنا اور موقع پر ہی احکامات جاری کیے، کھلی کچہری میں اورسیز پاکستانیوں کی بھی بڑی تعداد میں شرکت کی۔

کھلی کچہری میں کئی سائل اپنے اپنے مقدمات کی تفتیش کی شکایات کے سلسلہ میں پیش ہوئے جس پر سید ذیشان رضا نے تفتیش سے متعلق شکایات پرچند کمپلینٹس کی اپنے دفتر اے ڈی آئی جی کو انکوائری کرنے کے احکامات جاری کئے۔

اس کے علاوہ ڈی آئی جی انوسٹی گیشن نے ناقص تفتیش پر چند کیسز کے  تفتیش بورڈ تبدیل کرتے ہوئے تفتیشی افسران کو شوکاز نوٹس بھی جاری کئے اور ساتھ ہی  چند شکایات کے متعلق ڈویژنل ایس پیز انویسٹی گیشن کو فوری طور پر ازالہ کرنے کا حکم بھی دیا۔

ڈی آئی جی انوسٹی گیشن سید ذیشان رضا کا کہنا تھا کہ مقدمات کی تفتیش کے حوالے سے عوام الناس کی شکایات کا فوری ازالہ کیا جا رہا ہے،عوام کے جان و مال کا تحفظ پولیس کی اولین ترجیح ہے۔

انہوں نے مزید کہا کہ افسران آنے والے شہریوں کیساتھ خوش اخلاقی سے پیش آئیں اور اپنی کارکردگی مزید بہتر بنائیں ۔عوام کے مسائل کے حل کے لیے میرے دفتر کے دروازے ہمہ وقت کھلے ہیں۔