سول ایوی ایشن اتھارٹی کے زیر اہتمام انٹرا ائیرپورٹ کرکٹ ٹورنامنٹ،لاہور کی ٹیم چیمپئن قرار

پاکستان سول ایوی ایشن اتھارٹی کے زیر اہتمام ملکی ائیرپورٹس کی کرکٹ ٹیموں کے درمیان دوستانہ ٹورنامنٹ اکتوبر کے پہلے ہفتے سے شروع ہوا، جس میں کراچی، پشاور، اسلام آباد، لاہور، کوئٹہ، فیصل آباد اور دیگر ائیرپورٹس کی ٹیموں نے حصہ لیا۔

کوارٹر فائنل مرحلے میں لاہور اور اسلام آباد کی ٹیموں نے شاندار کارکردگی دکھاتے ہوئے سیمی فائنل میں جگہ بنائی، جس کے بعد فائنل میچ کراچی میں لاہور اور کوئٹہ کی ٹیموں کے درمیان کھیلا گیا۔

فائنل میں لاہور نے پہلے بیٹنگ کرتے ہوئے 20 اوورز میں بغیر کسی کھلاڑی کے آؤٹ ہوئے 217 رنز اسکور کیے۔

کپتان ظہیر شبیر نے دھواں دار بیٹنگ کا مظاہرہ کرتے ہوئے 94 رنز بنائے اور ناٹ آوٹ رہے۔ لاہور ٹیم کی اننگ کے جواب میں کوئٹہ کی ٹیم صرف 198 رنز بنا سکی اور سات وکٹیں گنوا بیٹھی۔ یوں لاہور نے کوئٹہ کو 20 رنز سے شکست دے کر ٹورنامنٹ کا ٹائٹل اپنے نام کرلیا۔ 

ٹورنامنٹ کے اختتام پر سول ایوی ایشن کے حکام نے تمام ٹیموں کی کارکردگی کو سراہا اور امید ظاہر کی کہ آئندہ بھی ایسے ایونٹس ملازمین میں صحت مند سرگرمیوں کے فروغ میں اپنا کردار ادا کرتے رہیں گے۔